Наце Димов
 |
Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
Наце Димов (познат и како Атанас Чуповски или Атанас Димов Чуповски) (1876-1916) бил македонски национален деец, брат на Димитрија Чуповски и близок соработник на Крсте Петков Мисирков. Роден е на 31 јануари (18 по стар стил) 1876 година во селото Папрадиште, велешко.
[уреди] Младост
Уште во младоста заминува на печалба најпрвин во Софија, каде што го доживеал прогонот на Млада македонска книжовна дружина, а оттаму заминал за Русија. Најпрвин работел како железничар на југо-западната пруга во Одеса, а со доселувањето во Петроград се здобил со правото да биде адвокат, што му овозможило полесен пристап до петроградската администрација при регистрирањето на Словено-македонското национално просветно друштво „Свети Кирил и Методија“, кое поради својот устав во кое се дозволувало членство само на национално освестени и осознаени Македонци бил неприфатливо за руските власти.
Заедно со брат му Димитрија Чуповски, Крсте Петков Мисирков и неколкумина други студенти - Македонци во Санкт Петербург го осоноваат Македонското научно - литературно другарство . Во рамките на тоа другарство Наце Димов во 1902 година изработил програма за формирање македонска национална држава во Македонија и програма за македонската национална култура и јазик. Тој заедно со Крсте Мисирков и брат му Димитрија Чуповски бил составувач и на „Меморандумот за независноста на Македонија“ испратен до рускиот министер за надворешни работи во 1914 година. Долг период Димов и членовите на другарството се бореле за издвојување на Македонија како посебна независна држава на Балканот, со своја посебна словенска култура, народ, јазик и црква. Биле подготвени и 1500 буквари на македонски јазик кои требало да се распространат низ македонските села, но обидот не успеал поради соседните пропаганди во Македонија.
[уреди] Смрт
Наце Димов починал во 1916 година во Санкт Петербург, каде што постои негов споменик подигнат од неговиот брат Димитрија Чуповски.
[уреди] Галерија слики
-
Гробот на Наце Д. Димов
-
Наце Д. Димов и Димитрија Чуповски
-
Наце Д. Димов
-
Највидните претставници на Македонската колонија во С. Петерсбург: Д.Д. Павле - Чуповски, Н.Д.Димов и д-р Г.К. Константинович на 21.III 1913 год.
-
Наце Д. Димов
