Лер (округ)

Лер
*Landkreis Leer*
Лер; Landkreis Leer;
	округ
	Грб
	Грб
Земја	Германија
Покраина	Долна Саксонија
Седиште	Лер
Површина
• Вкупна	1.086 км2 (419 ми2)
Население (31 декември 2020)
• Вкупно	171.483
• Густина	160/км2 (410/ми2)
Часовен појас	CET (UTC+1)
• Лете (ЛСВ)	CEST (UTC+2)
Рег. таб.	LER
Мреж. место	landkreis-leer.de

Лер (германски: Leer) — округ (Landkreis) во сојузната покраина Долна Саксонија, Германија. Административното окружно седиште е во истоимениот град. Се граничи со градот Емден, окрузите Аурих, Витмунд, Фризија, Амерланд, Клопенбург и Емсланд, како и со холандската покраина Гронинген.

Географија[уреди | уреди извор]

Округот е сместен во јужниот дел на областа Источна Фризија. Низ него тече реката Емс, доаѓајќи од Емсланд на југ и завршува во заливот Доларт на Северното Море. Во него влегува и островот Боркум од групата Источнофризиски Острови. Дел од Лер е зафатен од Националниот парк „Долносаксонско Ваденско Море“.

Историја[уреди | уреди извор]

Во 1744 година цела Источна Фризија е припоена кон Прусија. Во 1867 година, областа е поделена на окрузи, и основани се окрузите Лер и Венер. Во 1932 година тие се соединиле. Грбот на округот е оној на источнофризиското поглаварско семејство Укена кое владеело со овој крај во XV век.