Инџес
| Инџес Παράδεισος | |
|---|---|
  Инџес | |
|
Местоположба во областа   Инџес | |
| Координати: 41°04.78′N 24°45.50′E / 41.07967° СГШ; 24.75833° ИГД | |
| Земја | Грција |
| Област | Источна Македонија и Тракија |
| Округ | Кавала |
| Општина | Места |
| Општ. единица | Саришабан |
| Надм. вис. | 70 м |
| Население (2011)[1] | |
| • Вкупно | 216 |
| Часовен појас | EET (UTC+2) |
| • Лете (ЛСВ) | EEST (UTC+3) |
Инџес или Инџелер (грчки: Παράδεισος, Парадисос, до 1926 г. Ίντζες, Инѕес[2]) — село во Саришабанско, Егејска Македонија, денес во општината Места на Кавалскиот округ во Источна Македонија и Тракија, Грција. Населението брои 216 жители (2011). Претставува најисточното населено место во Егејска Македонија и цела Македонија воопшто.
Географија[уреди | уреди извор]
Селото е сместено североисточно од градот Саришабан, на десниот брег на реката Места, крај главниот пат од Кавала и Саришабан за Скеча. Се наоѓа на надморска височина од 70 м, а атарот зафаќа површина од 11 км2.[2]
Историја[уреди | уреди извор]
Кај селот има остатоци од антички град кој се поистоветува со тракискиот град Топир.[3]
Според статистиката на Васил К’нчов („Македонија. Етнографија и статистика“) во 1900 г. во Инџес живееле 175 жители Турци[4], но населението веројатно било побројно, бидејќи во пописот во 1913 г. се евидентирани 589, а во 1920 г. — 306 жители.[2]
Лозанскиот договор од 1923 г. турското население е присилно иселено, а доведени се поголем број на грчки бегалски семејства од Турција. Во 1928 г. попишани се 572 жители, а во 1941 г. бугарската окупациска власт евидентирала 625 жители.[2]
Население[уреди | уреди извор]
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 627 | 638 | 716 | 433 | 387 | 287 | 429 | 216 |
- Извор за 1940-1991 г.: Т. Симовски, Населените места во Егејска Македонија
Самоуправа и политика[уреди | уреди извор]
Селото припаѓа на општинската единица Саришабан со седиште во истоимениот град, која припаѓа на поголемата општина Места, во округот Кавала. Воедно, селото е дел од општинскиот оддел Инџес, во кој тоа е единствено населено место.
Стопанство[уреди | уреди извор]
Обработливите површини се мошне ограничени, но земјиштето е плодно и дава високи приноси, наводнувајќи се од реката Места. Главни земјоделски култури се тутунот и пченицата, а развиени се лозарството и овоштарството.[2]
Наводи[уреди | уреди извор]
- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 2,2 2,3 2,4 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 242–243.
- ↑ „Τόπειρος (βυζαντινή εποχή) κοντά στο σημ. χωριό Παράδεισος“. Το Ινστιτούτο Επεξεργασίας του Λόγου (ΙΕΛ) Θράκης. Посетено на 31 мај 2020.
- ↑ Кънчов, Васил. „Македония. Етнография и статистика“. София, 1900, стр. 204.
| ||||||||||||||||||