Злокуќани (населба во Скопје)

Оваа статија се однесува на населбата во Скопје. За други значења видете Злокуќани (појаснување)

Злокуќани
Панорамски поглед на Злокуќани и градот Скопје од јужните падини на Зајчев Рид
Злокуќани Злокуќани (Македонија)
Координати42°1′36″N 21°22′33″E
Општина	Општина Карпош
Географски регион
Население	1635 жители
Поштенски број
Повикувачки број
Надморска височина	280 m
Селска слава

Злокуќани е село во Општина Карпош, и територијално е споено со градот Скопје, со што постанува со тек на времето населба на градот. Се наоѓа на надморска височина од 280 метри, и има 1.635 жители.

Географиja и местоположба

Поглед на селото Злокуќани од кејот на реката Вардар

Злокуќани се наоѓа во северозападниот дел на Скопската Котлина во подножјето на Зајчев Рид и е оддалечено шест километри од центарот на Скопје. Селото е рамничарско и лежи на надморска височина од 270 метри. Злокуќани е во непосредна близина на утоката на реката Лепенец во Вардар, од нејзината лева страна.

Историja

Панорамски поглед на Злокуќани и градот Скопје од јужните падини на Зајчев Рид

Токму на местото на Злокуќани се наоѓаат најголемиот дел од ископините на античкиот град Скупи. Веднаш на почетокот на селото се наоѓа и локалитетот со остатокот од античкиот пат кој минувал тука, ранохристијанската базилика, амфитеатарот и др.

За потеклото на името Злокуќани се поврзува со легендата за Злите Куќи односно „Зли Куќи“. Во минатото во раниот период на османлиското царство луѓето кои сакале на ова место да изградат свои куќи при ископот за поставување на темелите често наоѓале коски и костури, остатоци од антички гробници, разни плочи со натписи и предмети од некогашниот антички град Скупи. Поради пронаоѓањето на овие предмети и особено на коските и костурите ова место било завикано „Зли Куќи“, а подоцна од тоа име селото го добило своето денешно име Злокуќани.

Економија

Поради тоа што во Злокуќани последниве години се изградени луксузни куќи и комплекси на куќи на познатите скопски бизнисмени, јавни личности и политичари економската структура на населението на Злокуќани е драстично променета. Меѓутоа голем дел староседелското население се занимава со земјоделие. Во Злокуќани највеќе се одгледува зелката, по која е и препознатливо селото. Покрај зелката застапени се и репката, цвеклото и пченицата. Во Злокуќани работат и доста автомеханичарски сервиси.

Демографија

Злокуќани има 1.635 жители, од кои:

• Македонци - 913 (55,84%)
• Роми - 534 (32,66%)
• Албанци - 46 (2,81%)
• Срби - 31 (1,90%)
• Турци - 28 (1,71%)
• Бошњаци - 9 (0,55%)
• oстанати - 74 (4,53%)

Последниве години Злокуќани доживува огромен пораст на своето население, пред се поради тоа што во Злокуќани се населуваат познатите скопски бизнисмени, јавни личности и политичари.

Култура и спорт

Во минатото постоел ФК Скупи од селото.