Дубровник
|
|
Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
Дубровник (латински: Ragusium, германски: Ragusa) е историски град на Јадранското Море и на јужната страна на Хрватска. Овој град е еден од најпознатите туристички места на Балканот. Бројот на населението во 2001 изнесувал 43.770 жители.
Во 1979 година Дубровник е додаден на листата на УНЕСКО за Светско културно наследство.
[уреди] Историја
Се смета дека градот е основан во 7 век од новата ера. Од 1205 до 1358 година со Дубровник владее Венециската Република. Од 1358 до 1808 година Дубровник претставува засебна држава, која се нарекува Дубровничка Република.
Тоа е еден од оние приморски медитерански градови кои се формирани врз сфаќањата на старата хеленска култура. Тоа е всушност полис-град. Тој се развива како град во кој се јавува цивилна управа која се стреми да се формира во република по угледот на Венеција. На социјален план, постои поделбата на благородништво и пук, пучанство, односно народ. Со градот управува дужд (кнез), но постои извршна власт („мало вјеќе“), и претставници на народот како консултативна власт („велико вјеќе“).
Како и другите приморски градови, Дубровник е седиште на моќна флота, која е носител на трговијата. Се смета дека Куршумли-ан во Скопје е граден за потребите на дубровничката трговија.

