Макарска

Од Википедија — слободната енциклопедија
Прејди на: содржини, барај
Макарска
—  Град  —
Поглед на градот од пристаништето
Макарска се наоѓа во Хрватска
Макарска
Макарска на мапата на Хрватска
Координати: 43°18′ СГШ 17°02′ ИГД / 
Држава  Хрватска
Жупанија Сплитско-далматинска жупанија
Управа
 • Градоначалник Тончи Билиќ
Површина
 • Вкупна 28 км2
Надм. вис. 0 м
Население (2011)
 • Вкупно 13.834 жит.
Час. појас CET (UTC+1)
 • Лете (DST) CEST (UTC+2)
Поштенски код 21300
Повик. бр. 021
Портал makarska.hr

Макарска е град во Хрватска, во Сплитско-далматинска жупанија. Според пописот 2011 година, градот има 13.834 жители.

Име[уреди]

Се смета дека името на градот Макарска потекнува од името на блиската населба која се наоѓала на овие простори, а се викала "Макар".

Географска положба[уреди]

Макарска е сместена во средниот дел на Далмација, во подножјето на планината Биокова и на брегот на Јадранско Море. Градот е центар на Макарското приморје, за кое во последно време се користи називот Макарска ривиера, поради економската трансформација на тој дел од Далмација.

Градот Макарска го зазема централното место во Макарската ривиера. Од внатрешноста градот остро го дели планината Биоково (највисок врв е Св. Јура, 1768 m), а со среднодалматинските острови Брач и Хвар го поврзува Јадранското Море.

Самиот град се смести во природно пристаниште помеѓу два полуострови (Осејава и Св. Петар). Урбаната зона, помеѓу планините и морето е широка само неколку километри, такашто во иднина градот ќе се шири кон исток и запад, односно кон соседните населби Тучепима и Крвавици.

Историја[уреди]

Под денешно име Макарска за првпат се споменува во 1502 година во документ на фочанскиот кадија Мухамед Мусин. Во тоа време Макарска била центар на нахијата Приморје и во неа Турците држеле свои претставници. Најголемо внимание обрнувале на одржување на скалата преку која се обавувала трговија помеѓу Турција и земјите на Јадранот. За да го заштитат градот од млетачките напади, Турците во средината на 16 век ја утврдија Макарска со 3 кули со одбранбени ѕидови. Нивниот изглед е зачуван на картите на млетачкиот картограф од 1572 година, што е и најстариот зачуван изглед на градот Макарска.

Веќе во 1646 година, племињата и народот на Крајина ја признаа власта на Венеција, а во 1681 година Макарска е де факто припоена кон Венеција. Под стогодишната власт на млетачкиот лав, настанале темелите на идниот град.

Со договор од 1797 година, Макарска припаднала на Австрија, а со Пожунскиот мир во 1805 година потпаѓа под француска власт. Таа власт преку нови мерки настојувала на го подигне нивото на образование, економија и инфраструктура. Од тоа време е зачуван обелиск подигнат во чест на францускиот маршал Огист Мармон, кој денес се наоѓа на западниот влез на градот.

Панорама на Макарска

Население[уреди]

Според пописот од 2011 година, град Макарска има 13.834 жители, од кои во самото населено место Макарска 13.426.

Град Макарска[уреди]

Број на жители според пописот[1]
1857 1869 1880 1890 1900 1910 1921 1931 1948 1953 1961 1971 1981 1991 2001 2011
2.175 2.331 2.448 2.690 2.841 3.138 3.138 3.272 3.242 3.497 4.550 7.121 9.556 11.958 13.716 13.834

Види уште[уреди]

Наводи[уреди]

Надворешни врски[уреди]