Горно Крушари

Горно Крушари
Горно Крушари; Έσω Αχλαδοχώρι
	Горно Крушари
	Местоположба во областа Горно Крушари Местоположба на Горно Крушари во Постолскиот округ и областа Централна Македонија
	Координати: 40°43.25′N 22°13.37′E / 40.72083° СГШ; 22.22283° ИГД
Земја	Грција
Област	Централна Македонија
Округ	Постолски
Општина	Постол
Население
• Вкупно	иселено
Часовен појас	EET (UTC+2)
• Лете (ЛСВ)	EEST (UTC+3)

Горно Крушари или Горно Крушаре (грчки: Έσω Αχλαδοχώρι; до 1926 г. Έσω Κρουσάρ, Есо Крусар или Άνω Κρούσαρι, Ано Крусари^[1]) — поранешно село во Ениџевардарско, Егејска Македонија, на територијата на денешната општина Постол во областа Централна Македонија, Грција.

Географија[уреди | уреди извор]

Селото се наоѓало во Солунското Поле, југозападно од градот Пазар (Ениџе Вардар) и јужно од главниот пат за Воден.^[2]

Историја[уреди | уреди извор]

Во Отоманското Царство[уреди | уреди извор]

Во XIX век Горно Крушари било село во Ениџевардарската каза. На австриската воена карта е означено како Крушар (Krušar), а на картата на Кондојанис — Крусари (Κρουσάρι), што значи дека тие извори не го сметаат за одделно од Крушари (или Армутчи; денес Амбелес).

Во Грција[уреди | уреди извор]

Во 1912 г. е окупирано од грчки единици. Регистрирано е како населба со христијанска и муслиманска вероисповед, и македонски и ромски јазик. По Втората балканска војна во 1913 г. селото е припоено кон Грција, кога е заведена како село со 45 мажи и 40 жени. Во својот патописен попис од 1917-18 г. Боривое Милоевиќ го заведува селото со 5 македонски христијански и 4 ромски муслимански куќи (погрешно наведувајќи ги ромските како турски).^[2] Во 1924 г. муслиманските жители се иселени во Турција и селото е напуштено. Во 1926 г. грчките власти му го менуваат името, преведувајќи го како Есо Ахладохорион, т.е. Внатрешно Крушево.^[3]