Гарда (езеро)

Од Википедија — слободната енциклопедија
Прејди на: содржини, барај
Езерото Гарда
Езерото Гарда - Езерото Гарда
Езерото Гарда
Координати 45°38′N 10°40′E
Тип глечерско езеро
Главен прилив р. Сарка
Главен истек р. Минцио
Површина на сливот 2.350 km²
Земји во сливот Италија,
Швајцарија
Макс. должина 51,9 km
Макс. ширина 16,7 km
Површина 370 km²
Прос. длабочина 136 m
Макс. длабочина 346 m
Водна зафатнина 50,35 km³
Проточност (на езерската вода) 26,8 год.
Надм. височина на површината 65 m
Поглед од јужното езеро близу Песчиера дел Гарда (Верона, Италија).

Езерото Гарда (италијански Lago di Garda) е најголемото езеро во Италија. Се наоѓа во северниот дел од земјата, на полпат помеѓу Венеција и Милано. Езерото се наоѓа на преминот од алпскиот регион на Доломитите кон низината Ломбардија. Oформенo e од глечери при крајот на последното ледено доба. Езерото и неговото крајбрежје се поделени помеќу провинциите Верона (југоисточно), Бреша (југозападно) и Тренто (северно). Езерото е голема туристичка атракција, со голем број хотели, туристички населби и забавни паркови по брегот.

Стариот утврден град Сирмионе, кој се наоѓа на полуостров на јужниот брег од езерото е особено популарно туристичко место, каде се наоѓат бањите Вирџилио и Катуљо уште од римско време, како и бројни ресторани, барови, хотели, модни продавници и пазар. Живописниот замок Скалигер датира од XIII век. Римската вила била домот на поетот Катул. Сулфурниот извор на врвот на полуостровот е познат по својата способност да лечи заболувања, особено оние кај увото.

Езерото од вселената

Интересно место е и северозападното село Лимоне. Ова место се прославило во 1979 кога таму бил откриен аполипротеинот А-1 МИЛАНО. Овој протеин, кој се наоѓал во крвта на луѓето родени во Лимоне, брзо ги чисти артериите од масти, кои потоа ги носи во црниот дроб, каде се елиминираат. Овој протеин е ефикасен против артериосклероза и инфаркт. Заради оваа состојка, мештаните живеат многу долго - неколку десетици селани доживеале над 100 години.

На југоисточниот брег, северно од гратчето Пескиера, се наоѓаат Гардаланд, Аква Парадајз и Канева Муви Студио едни од најпознатите паркови во Италија.

Крајбрежни места се: Сирмионе, Десенцано, Сало, Гардоне Ривиера, Тосколано-Мадерно, Гарњано, Лимоне, Монига, Паденгде сул Гарда во брескиската страна на езерото, Пескиера дел гарда, Лацисе, Бардолино, Гарда, Тори дел Бенако, Бренцоне, Малкесине на веронската страна на езерото, Рива дел гарда, Наго-Торболе на трентската страна на езерото.

Видете исто така[уреди]

Надворешни врски[уреди]