Автобуска несреќа кај Ласкарци (2019)
 Група луѓе пред Инфо центарот на ГОБ „8 Септември“ чекаат информации за состојбата на пациентите | |
| Сумирани податоци за автобуската несреќа кај Ласкарци | |
|---|---|
| Датум | 13 февруари 2019 |
| Вид | автобуска несреќа |
| Место | кај Ласкарци,  Македонија |
| Патници | 51 |
| Жртви | 16[1] |
| Оператор | Дурмо турс |
| Дестинација | Скопје-Гостивар |
Автобуска несреќа кај Ласкарци — автобуска несреќа која се случила на 13 февруари 2019 година околу 17 часот во атарот на селото Ласкарци, скопско, во која загинале 16 лица.[2][3] Автобусот на компанијата „Дурмо турс“ сообраќал на релација Скопје-Гостивар, со 51 патник, сите од Гостивар. Автобусот излетал од автопатот Тетово-Скопје и паднал во провалија откако ја пробил заштитната ограда на автопатот.[4] На местото веднаш претрчале мештани од Ласкарци и околината.[5] За спасувањето биле мобилизирани сите комбиња на брзата помош од „Здравствен дом - Скопје“ и од приватните болници „Невромедика“ и „Систина“.[4][6] Несреќата допрела до целата македонска јавност. На друштвените мрежи се појавило неформално движење под мотото „Сите се возиме во ист автобус“, изразувајќи сочувство за несреќата и преку истото граѓани самоиницијативно на блиските на учесниците во несреќата им понудиле сместувања, храна.[7] Министерот за внатрешни работи Спасовски два дена по несреќата изјавил дека МВР дотогаш има покренато пет постапки за говор на омраза поврзани со несреќата.[8] Владата ги прогласила за ден на жалост 14 и 15 февруари.[2] На 14 февруари пак во Гостивар се оддржала комеморативна седница за загинатите во автобуската несреќа, на која присуствувале претседателот Ѓорѓе Иванов и премиерот Зоран Заев,[9] и исто така била прогласена тридневна жалост на ниво на општината.
Реакции[уреди | уреди извор]
Бојко Борисов — „Со болка ја слушнав веста дека на патот Скопје - Тетово животот го загубија 14 лица. Им изразувам жалење на најблиските на загинатите и посакувам брзо заздравување на повредените“.[10]
Со едноминутен молк започнала седницата на косовската влада.
Павло Климкин — „Украина упатува искрено сочувство до семејствата на погинатите и им посакува поброзо оздравување на повредените во трагичната сообраќајна несреќа близу с. Ласкарци во Република Северна Македонија. Во овие тешки времиња Украинците се заедно со пријателскиот македонски народ“.
Томас Герберих — „Длабоко ме погоди веста за тешката автобуска несреќа на автопатот Скопје-Тетово што се случи вчера вечер. Ви изразувам најдлабоко сочувство и од името на германската Амбасада. Нашето длабоко сочувство го упатувам особено до семејствата на жртвите“.
Милорад Додиќ — „Сите нас во БиХ длабоко не потресе тажната вест за оваа страшна несреќа и загинувањето на голем број граѓани. Ве замолувам на семејствата на настраданите да им ги пренесете изразите на сочувство, а на повредените граѓани им посакувам искрени желби за што поскоро опоравување“.[11]
Наводи[уреди | уреди извор]
- ↑ „Почина тешко повредената девојка во несреќата кај Ласкарци“. Радио Слободна Европа. 20 март 2019. Посетено на 20 март 2019.
- ↑ 2,0 2,1 Утре и задутре ден на жалост во Македонија, почина уште едно лице
- ↑ „Почина уште еден повреден во несреќата кај Ласкарци, бројот на загинати е 15“. Сакам Да Кажам. 16 февруари 2019. Посетено на 16 февруари 2019.
- ↑ 4,0 4,1 Автобус со 50 патници излетал во провалија на патот Скопје - Тетово
- ↑ Сведоштва за несреќата: Молеа за помош, но не можевме сите да ги спасиме[мртва врска]
- ↑ Сите коли на брза помош од Здравствен дом Скопје и од приватните болници Невромедика и Систина се испратени во Тетово
- ↑ МВР го истражува говорот на омраза на друштвените мрежи
- ↑ Спасовски: Покренати пет постапки за говор на омраза
- ↑ Во Гостивар комеморација за загинатите - присуствуваат претседателот Иванов и премиерот Заев
- ↑ Борисов: Со болка ја слушнав веста за сообраќајката кај Тетово
- ↑ Сочувство од Додик до Иванов за трагедијата кај Ласкарци