Ѕвездено време

Од Википедија — слободната енциклопедија
Прејди на: содржини, барај

Ѕвездено време (или „сидерално време“) — мерка за положбата на Земјата при нејзиното вртење околу својата оска, или мерка за време преку очигледното дневно движење на пролетната рамноденица, што е многу блиску но не сосема исто со движењето на ѕвездите. Се разликуваат по прецесијата на пролетната рамноденица во десното искачување во однос на ѕвездите.
Земјениот ѕвезден ден исто така се разликува од периодот на ротација во однос на позадината од ѕвезди според износот на прецесија во десното искачување во текот на еден ден (8,4 мс).[1] Неговата средна вредност на Ј2000 е 23ч56м4,090530833с.[2] Етимологијата на терминот доаѓа од латинскиот збор „sidereus“, sidus, sider- = ѕвезда. Според тоа, значењето на овој термин е мерење на времето во однос на положбата на ѕвездите.

Дефиниција[уреди]

Ѕвезденото време се дефинира како часовен агол на пролетната рамноденица. Кога меридијанот на пролетната рамноденица е директно над земјата, локалното ѕвездено време е 00:00. Ѕвезденото време на Гринич е часовен агол на пролетната рамноденица на нултиот меридијан во Гринич, Англија; локалните вредности се разликуваат според географската должина. Кога ќе се придвижиме по должината 15° источно, ѕвезденото време се зголемува за еден час.

За разлика од пресметувањето на сончевото време, овде разликите прецизно се сметаат, не во цели часови. Ѕвезденото време на Гринич и UT1 се разликуваат едно од друго со постојана вредност (ГСТ = 1.00273790935 × UT1).[3] Ѕвезденото време се користи во астрономските опсерватории, бидејќи ѕвезденото време овозможува да се пресмета кои астрономски објекти ќе бидат видливи во одредено време.

Наводи[уреди]

  1. Seidelmann, стр. 48.
  2. Aoki, S., B. Guinot, G. H. Kaplan, H. Kinoshita, D. D. McCarthy and P. K. Seidelmann: "Нова дефиниција на универзалното време". Астрономија и Астрофизика 105(2), 359-361, 1982.
  3. Seidelmann, стр. 52 и 698.