Ендоскопија (гледање внатре) – се користи во медицината за да се гледа внатре во телото.[1] Ендоскопската процедура користи ендоскоп за да ја испитува внатрешноста на орган или шуплина на телото. За разлика од други медицински техники за добивање слика, ендоскопите се вметнуваат директно во органот.
Постојат бројни видови ендоскопи. Во зависност од локацијата во телото и видот на процедурата, ендоскопијата може да ја вршат хирурзи или други доктори. Пациентот може да биде свесен или анестезиран за време на процедурата. Најчесто поимот ендоскопија се користи за да реферира испитување на горниот дел на човечкиот гастроинтестинален тракт, познато како езофагогастродуоденоскопија.[2]
За немедицинска употреба, сличните инструменти се нарекуваат бороскопи.
