Бисер балкански

„Бисер балкански“
Песна од Гоце Николовски
Јазик	македонски
Објавена	1990
Пуштена	1990
Жанр	народна музика
Должина	4:40
Песнописец	Јован Павловски
Композитор(и)	Хилми Билбил и Т. Таневски

Гоце Николовски во изведба

„Бисер балкански“ — новокомпонирана македонска народна песна во изведба на пејачот Гоце Николовски. Песната за првпат била испеана на „Фолк фест Валандово“ во 1990 година. Ја освоила првата награда. Текстот на песната е од Јован Павловски, музиката е на Хилми Билбил а аранжманот е на Томислав Таневски. По самата изведба песната станува голем хит и многу наскоро станува широко прифатена од македонскиот народ.

Јасминка Павловска, во својата статија посветена на Гоце Николовски вели дека ниту една новосоздадена песна претходно, ни потоа немала таква општонародна прифатеност, што во периодот на раните деведесетти, што се совпаѓа со независноста на Македонија, ужива и своевиден статус на химна.

Тема

Песната спаѓа во категоријата на народни новокомпонирани песни, во подгрупата на родољубиви песни. Главна тема е опевување на македонските убавини. Покрај тоа, во песната се опеани сите три дела на етничка Македонија, нејзината црна историја, но и љубовта кон истата.

Поврзано

• Гоце Николовски
• Македонска музика

Надворешни врски

• Текстот на песната
• Тивката тага на бисерот балкански на Утрински весник.
• Оригинална изведба на песната на Валандово Фолк Фест на YouTube.