Eutricha capensis

Од Википедија — слободната енциклопедија
Прејди на прегледникот Прејди на пребарувањето
Eutricha capensis
Eutricha capensis Lasiocampidae larva.jpg
Научна класификација
Царство: Animalia
Колено: Arthropoda
Класа: Insecta
Ред: Lepidoptera
Семејство: Lasiocampidae
Род: Eutricha
Вид: E. bifascia
Биномен назив
Eutricha capensis
(Лине, 1767)
Синоними
  • Phalaena capensis Linnaeus 1767
  • Pachypasa obscura Walker 1855
  • Phalaena pithyocampa Stoll 1780
  • Eutricha aluco (Fabricius, 1781)
  • Eutricha pithyocampa (Stoll, 1781)
  • ?Eutricha bifascia Walker 1855

Eutricha capensis, Кејп молец, — вид на молец во семејството Lasiocampidae и првенствено се наоѓа во Јужна Африка. За време на фазата кога е ларва, Кејп молците се хранат со широк спектар на африкански растенија и често може да се најдат во градините. Гасениците се светло обоени и видливо влакнести, додека возрасните молци се претежно кафеави и многу помалку впечатливи по изглед.

Распространетост и живеалиште[уреди | уреди извор]

Нема постигната согласност во однос на распространетоста на Кејп молецот во јужна Африка. Додека сите извори се согласуваат дека неговиот примарен географски дом е Јужна Африка, различни извори ги наведуваат и Малави, Мозамбик и Танзанија. Може да се хранат со широк спектар на растенија, гасениците ги има во домашните градини и во пооддалечените и диви области.

Морфологија[уреди | уреди извор]

Група гасеници

Возрасните се големи, со просечен распон на крилјата од околу 70 милиметри. И задните крила и предните крила се црвеникаво-кафеави. Предните крила имаат жолти точки и три брановидни бели ленти. Женките се обично побледи по боја и поголеми од машките. На возрасните молци им недостасуваат развиени делови кај устата, и затоа не се хранат. Антените кај женките се со должина на градниот кош.[1]

Ларвите се видливо влакнести со редови од портокалови долги влакна долж страните на телото. На главата има три големи бакарни точки и две помали пурпурни точки. По должината на грбната страна на гасениците има еден ред црни триаголници, свртени на едната страна од белата боја.

Однесување и животен циклус[уреди | уреди извор]

Незгодни како ларви, гасениците се собираат во поголем број. Причината за ваквото однесување не е добро сфатена, и постојат неколку предложени теории. Според една студија од 2013 година, собирањето во група на E. capensis, се чини дека не им е од корист на гасениците во однос на зачувување на вода или заштеда на енергија.

Оформените возрасни единки се појавуваат на почетокот на летото. Возрасните не се агресивни.

Таксономија[уреди | уреди извор]

Кејп молецот за првпат беше опишан во 1767 година од Карл Лине во првиот том од неговото 12-то издание на Система Натура. Како и со мноштвото молци што ги опишал Лине, тој го смести E. capensis во сега застарениот род Фалаена . Специфичниот епитет што го избрал, capensis, веројатно се однесува на распределбата на молцитте во Западен Кејп во Јужна Африка.[2]

Наводи[уреди | уреди извор]

  1. Linnaeus, Carl (1767). Systema Naturae (латински). 2 (изд. 12th.). стр. 813.
  2. Picker, Mike; Griffiths, C.; Weaving, Alan (January 2004). Field Guide to Insects of South Africa. South Africa: Random House Struik. стр. 346–347. ISBN 978-1-77007-061-5.