Црква „Успение на Пресвета Богородица“ - Трново

Местоположба
Успение на Пресвета Богородица

македонска православна црква
Епархија	Преспанско-пелагониска
Архијерејско намесништво	Битолско
Парохија	Кукуречанска

Координати	41°2′37″N 21°15′2″E / 41.04361° СГШ; 21.25056° ИГД / 41.04361; 21.25056
Место	Трново
Општина	Битола
Држава	Македонија
Општи податоци
Покровител	Богородица Марија
Изградба	1837/1854 1926/1928 - 1934 (обнова)
Архитектонски опис

Успение на Пресвета Богородица (или Св. Богородица) — црква во битолското село Трново, претставник на Македонската преродба. Му припаѓа на Битолското архијерејско намесништво во Преспанско-пелагониската епархија на МПЦ - ОА.

Црквата е гробишен храм, сместен во источниот дел на селото. Според еден извор, изградена е во 1837^[1], а според друг во 1854 година. За време на Првата светска војна на подрачјето се воделе жестоки битки и црквата била уништена. Вредниот иконостас е демонтиран од бугарски војници со намера да го однесат во Бугарија. Сепак, нивната намера не успеала и тој е подоцна откриен и пренесен во храмот „Св. Богородица“ во Битола.

Во 1926/1928 г. мештаните започнале со обнова на црквата со средства од воена оштета и доброволни прилози од Битолско. Обновата е завршена во 1934 г.^[2]. Новиот иконостас е изработен од мијачкиот мајстор Нестор Алексиев Мирчевски од Гари со своите синови, а во 1962 година доградена и камбанаријата како подарок од Џон Спиро, битолски иселеник во САД.

Во црковниот двор се одржуваат средби на иселеници од Егејска Македонија и на оние во прекуоканските земји и Европа.^[3]^[4]