Црква „Св. Димитриј“ - Клисура (Костурско)

Од Википедија — слободната енциклопедија
Свети Димитриј
Αγίου Δημητρίου
Поглед на црквата
40°32′13″N 21°28′17″E / 40.53694° СГШ; 21.47139° ИГД / 40.53694; 21.47139Координати: 40°32′13″N 21°28′17″E / 40.53694° СГШ; 21.47139° ИГД / 40.53694; 21.47139
МестоКлисура, Костурско
ЗемјаЕгејска Македонија, Грција
ВероисповедЦариградска патријаршија
Архитектура
Културнонаследна категоријаспоменик на културата
Архитектонски типтрикорабна базилика
Завршена1856
Управа
Архијерејско намесништвоГоренско
ЕпархијаКостурска

Свети Димитриј (грчки: Αγίου Δημητρίου) — црква во селото Клисура, Костурско, Егејска Македонија. Влегува во состав на Костурската епархија на Цариградската патријаршија.[1]

Историја[уреди | уреди извор]

Црквата зиме

Црквата е изградена во 1856 г. во Долното Маало на Клисура, на местото на стар храм, кој според преданието датира од 1700 г. Според Николаос Сјокис меѓу 1700 и 1773 г. Клисура била седиште на костурскиот митрополит.[2]

Во 1996 г. црквата е прогласена за заштитен споменик.[1]

Опис[уреди | уреди извор]

Црквата претставува трикорабна базилика со припрата. Има трикатна камена камбанарија. Внатре има украсни резби со исклучителен квалитет.[1] Резбаниот иконостас на храмот е изработен во 1819 г., а проскинитарот е од 1820 г. Средствата за иконостасот, проскинитарот и владичкиот престол ги дале Георгиос Урман и Георгиос Басиос, како и шивачкиот и млекарскиот еснаф во Цариград. Живописот е дело на кионатски, самарински и клисурски зографи. Во храмот се зачувани два вредни дискоса (од кои едниот е од 1746 г.), четири евангелија со сребрени опкови, свадбени венци и други работи, како и 44 вредни икони.[2]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 „ΥΑ ΥΠΠΟ/ΑΡΧ/Β1/Φ36/38664/1051/12-7-1996 - ΦΕΚ 765/Β/28-8-1996“. Διαρκής κατάλογος κηρυγμένων αρχαιολογικών τόπων και μνημείων. Посетено на 28 декември 2014.
  2. 2,0 2,1 Καραθανάσης, Αθ (2004). „Νικόλαος Δημ. Σιώκης, Η ιστορία και τα κειμήλια των ιερών ναών Αγίου Νικολάου και Αγίου Δημητρίου Κλεισούρας Καστοριάς“ (PDF). Μακεδονικά. 34: 444.

Надворешни врски[уреди | уреди извор]