Црква „Св. Атанасиј“ - Загоричани

Свети Атанасиј
Αγίου Αθανασίου
Иконостасна икона на Свети Атанас, 1888 г.
40°34′46.73″N 21°24′42.89″E
Место	Загоричани, Костурско
Земја	Егејска Македонија, Грција
Вероисповед	Цариградска патријаршија
Архитектура
Завршена	1886/1964
Управа
Архијерејско намесништво	Горенско
Епархија	Костурска

Свети Атанасиј (грчки: Αγίου Αθανασίου) — црква кај селото Загоричани, Костурско, Егејска Македонија. Влегува во состав на Костурската епархија на Цариградската патријаршија.

Црквата се наоѓа во месноста Курулишта, северозападно од Загоричани и источно од Олишта. Тука некогаш имало село, а „Св. Атанасиј“ била неговата црква. Денес тука е брегот на вештачкото Загоричанско Езеро. Црквата е уништена од арнаутски банди околу 1650 г., а жителите на Курулишта се преселиле во Загоричани. Од овој храм останале голема плоча која служела како олтар, монолитен столб, две столпчиња од месен камен, камен релјеф, измазнета камена плоча и римски релјеф со престава на човек во полн раст со копје и венец (30 × 40 см), вграден во источниот ѕид на денешниот храм. Во 1700 г. врз урнатините на стариот храм селаните подигнале скромен параклис. Од таа црква во денешната се зачувани иконата на Свети Атанасиј и мала икона на непозната светоца, можеби Света Варвара. Во 1886 г. жителите на Загоричани на ова место изградиле голема претставителна црква, а годината е означена на убав камен релјефсо крст, вграден во ѕидот. Храмот е опремен во 1887 – 1888 г. со убави икони, дело на тројца мајстори — Евтимиос А. Мисајлидос од Цариград и Павлос Кесаревс и Михаил Г. Самарас од Рупишта. Иконите на првите двајца се подарок од загоричанци кои работеле во Цариград. Во 1964 г. црквата е наполно обоновена по четврти пат.

• Икони од храмот
• 
  Икона на св. Атанасиј, XVIII век
• 
  „Св. Троица и св. Стефан“, 1888 г.
• 
  Проскинитарна икона на св. Атанасиј, 1887 г.
• 
  Детаљ од проскинитарната икона на Свети Атанасиј, 1887 г.

Поврзано

• Костурска епархија

Надворешни врски

• Црква „Св. Атанасиј“ - Загоричани на Ризницата ^?