Фонд за историски места на Нов Зеланд

Од Википедија — слободната енциклопедија
Прејди на: содржини, барај
Фонд за историски места
на Нов Зеланд
New Zealand Historic Places Trust
New Zealand Historic Places Trust logo.svg
Логотип на Фондот за историски места на Нов Зеланд
Цел Заштита на објекти од културно-историско значење во Нов Зеланд
Седиште Ентримски Дом, Boulcott Street
Место Велингтон, Нов Зеланд
Регион Нов Зеланд
Претседател Џон Акланд
Главно тело Одбор на доверители
Припадност Министер за уметности, култура и културно наследство
Министерство за култура и културно наследство
Служба за заштита на природата
Те Пуни Кокири
Мреж. место http://www.historic.org.nz/

Фондот за историски места на Нов Зеланд (англ. New Zealand Historic Places Trust, маор. Pouhere Taonga) е непрофитен фонд кој се залага за заштита на родовски наледни места и објекти од културно-историско значење во Нов Зеланд. Основан е според Законот за историски места од 1954 г. и има за цел да „...се залага за распознавање, заштита, зачувување и конзервација на историското и културно наследство на Нов Зеланд.“

Со фондацијата управува одбор на доверители, чиј моментален претседател е Џон Акланд, како и Совет за маорско наследство (Māori Heritage Council), чиј моментален претседател е Туму те Хеухеу. Централната управа е сместена во Ентримскиот Дом во Велингтон, со подрачни и месни ограноци во Керикери, Окленд, Тауранга, Велингтон, Крајстчерч и Данидн.

Организацијата го издава тримесечникот New Zealand Heritage.

Меѓу објектите во сопственост на фондот се вбројуваат Мисионерскиот Дом, Камената Продавница и мисиноерскиот дом Те Ваимате.

Регистар[уреди | уреди извор]

Регистарот на историски места е поделен на четири главни делови:

  • Историски места
  • Историски подрачја
  • Свети маорски места
  • Свети маорски подрачја

Историските места се распоредени во две категории:

  • Категорија I - „...места од особено или инзвонредно историско или културно значење или вредност.
  • Категорија II - „...места од историско или културно значење или вредност.

Совет за маорско наследство[уреди | уреди извор]

Советот за маорско наследство работи во рамките на Фондот за историски места на Нов Зеланд и е основан со Законот за историски места од 1993 г. Функциите на советот[1] се следниве:

  • заштита и регистрација на свети места и свети подрачја
  • помагање на Фондот за да оформи и одразува двокултурни погледи при примената на неговите надлежности и функции
  • укажување на помош на маорски семејства, подродови (хапу) и родови во зачувувањето и управувањето со нивните наследни ресурси
  • разгледување на препораки во врска со археолошки локалитети
  • застапување на интересите на Фондот и Советот кои се однесуваат на маорското наследство на било кој јавен и маорски форум.

Видете исто така[уреди | уреди извор]

Наводи[уреди | уреди извор]

Надворешни врски[уреди | уреди извор]