Убијци на цветната месечина (филм)

„Убијци на цветната месечина (филм)“
	Македонскиот плакат
Режисер	Мартин Скорсезе
Продуцент	Ден Фридкин; Бредли Томас; Мартин Скорсезе; Даниел Лупи;
Главни улоги	Леонардо ди Каприо; Роберт де Ниро; Лили Гледстоун;
Музика	Роби Робертсон
Кинематографија	Родриго Прието
Монтажа	Телма Шунмејкер
Студио	Apple Studios; Imperative Entertainment; Sikelia Productions; Appian Way Productions;
Дистрибутер	Paramount Pictures; Apple Original Films; (преку Apple TV+);
Премиера	20 мај 2023 г. (Кански кинофестивал); 20 октомври 2023 г. (САД); 19 октомври 2023 г. (Македонија)
Времетраење	206 минути
Земја	САД
Јазик	англиски; + македонски (титла);
Буџет	200 милиони долари
Бруто заработка	156,2 милиони долари

Убијци на цветната месечина (англиски: Killers of the Flower Moon) — американски епски криминалистички драмски филм во режија на Мартин Скорсезе во вестерн-жанр, заснован на популарната научна книга „Убијци на цветната месечина“ од Дејвид Гран за убиствата во округот Осејџ. Главните улоги ги толкуваат Леонардо ди Каприо, Роберт де Ниро и Лили Гледстоун.^[4]^[5]

Развојот започнал во март 2016 г. кога Imperative Entertainment ги добил правата за адаптација на книгата. Скорсезе и Ди Каприо се придружиле на филмот во 2017 г., а производството се очекувало да започне на почетокот на 2018 г. По неколку одложувања и задоцнувања поради пандемијата КОВИД-19, производството на филмот требало да започне во февруари 2021 г., со потврдено финансирање и распределување на Apple TV+ заедно со Paramount Pictures. Филмот бил снимен помеѓу април и октомври 2021 г., во окрузите Осејџ и Вашингтон, Оклахома. Произведен бил од Sikelia Productions на Скорсезе и Appian Way Productions на Ди Каприо, со неговиот буџет од 200 милиони долари, наводно, најголемата сума потрошена некогаш за снимање филм во Оклахома.^[6]

Содржина[уреди | уреди извор]

Членовите на индијанското племе Осејџ во САД се убиени под таинствени околности во 1920-тите, што предизвикува голема истрага на ФИБ во која е вклучен Џ. Едгар Хувер.