Тананаи

Од Википедија — слободната енциклопедија

Тананаи, псевдоним за Алберто Кота Рамузино (Милано, 8 мај 1995) е италијански кантавтор и музички продуцент. Неговата музичка кариера ја започнува во 2014 година под псевдонимот (Not for us), компонирајќи првично електронска музика, а од 2018 се ориентира кон поп жанрот под псевдонимот Тананаи. Се прославува по неговото учество на Фестивалот во Санремо 2022, на кој неговата песна Sesso occasionale се рангира на последното место, но постигнува радио успех и влегува помеѓу првите 10 песни на листата на Федерацијата на италијанската музичка индустрија (ФИМИ). Во летото истата година, тој го достигнува првото место на ранг листата на ФИМИ со песната La dolce vita, во соработка со Федез и Мара Сатеи, песна со која победуваат на Power Hits Estate 2022 година. Истата година го објавува и албумот Rave, eclipse, промовиран од хитот за 2021 година Baby Goddamn. Во 2023 се враќа повторно на Фестивалот во Санремо со песнатаTango освојувајќи го петтото место.

Биографија[уреди | уреди извор]

Алберто Кота Рамузино е роден во 1995 година во Милано, детството го поминал во Колоњо Монзезе,[1] а повторно се враќа да живее во Милано во 2015 година.

Под псевдонимот Not for Us, уште тинејџер и студент на Научната гимназија при Државниот институт за Високо образование Леонардо да Винчи, започнал да ги компонира своите први музички дела и преку својот профил на SoundCloud во 2014 објавил ремикс на песната Swimming Pools (Drank) на Кендрик Ламар.[2][3] За време на студиите по архитектура на Политехничкиот факултет во Милано, во 2015 година учествувал како натпреварувач во топ диџеј, стигнувајќи до финалето и освојувајќи го третото место, а како награда добил договор како продуцент и автор.[4]

Истата година ја објавува A Diamond, неговата прва оригинална песна благодарение на договорот со групата Sony Music и Columbia Records Italia, во соработка со Ана Мекдугал. На 6 јули 2015 година, Not for Us ја објавил песната на својот канал Vevo и на YouTube и на сите платформи за стриминг.

Во меѓувреме ги напушта студиите на Политехничкиот факултет во Милано, за целосно да се посвети на музиката.[5]

Во 2016 соработува со норвешката пејачка Астрид С за ремикс на песната Hurts So Good. На 19 ноември е меѓу изведувачите што го отвораат концертот на Пендулум во Fabrique во Милано. Истата година соработува со Nike за музиката на спот и за промовирање на новата колекција ACG од NikeLab.

Во 2017 година склучува договор со Universal Music Italia,[2][6] со кој го издава својот деби албум To Discover and Forget под псевдонимот Not for Us. По објавувањето на албумот продолжува да работи главно во музичката продукција за италијански изведувачи. Неговата музичка кариера како кантавтор започнува во 2017.

Тананаи дебитира со песната Volersi male. Новоизбраното име на ломбардски дијалект значи мал штетник/чума, го презема тој термин во чест на неговиот сакан дедо кој на шега го нарекувал така.

Во 2020 година, ја издава песната Giugno, која му претходи на деби албумот Piccoli boati објавен во февруари.[7] Последователно ја објавува песната Baby Goddamn, која стана вирален хит на Spotify Италија и го достигнува првото место на плејлиситите, проследено со Maleducazione и Le madre degli altri, во соработка со Федез, од неговиот албум Disumano.[8]

Во ноември 2021 година учествува на Санремо Џовани 2021 , музички фестивал на кој се избраат тројца нови пејачи за 72-от музички Фестивал во Санремо.[9][10] На второто место се пласира Тананаи со песната Esagerata, која му овозможила да учествува на Фестивалот идната година, каде што се претставува со песната Sesso occasionale, напишана заедно со Давиде Симонета, Паоло Антоначи и Алесандро Раина,[11][12] и се пласира на последното место.

По постигнатиот успех, Амадеус го кани во програмата Soliti ignoti, заедно со Махмуд и Бланко, победници на Фестивалот истата година со песната Brividi.

Во 2022 година неговата прва турнеја се распродава низ цела Италија,[13] картите за концертите во Милано и Рим биле веќе распродадени за време на Фестивалот, се преуредува програмата, се бараат нови места, поголеми концертни сали и двојни датуми, коишто повторно се распродаваат.[14][15] Во март е гостин и водител на една емисија од програмата Le Iene, каде што одржува мотивациски говор.

Во меѓувреме, стекува огромна пополарност со песните Sesso occasionale и Baby Goddamn, со последната го достигнува врвот на ранг листите на Spotify.[16]

На 3 јуни 2022 година, излегува песната La dolce vita од Федез, во соработка со Тананаи и Мара Сатеи. Песната го достигнува врвот на плејлисите во Италија.[17] Истата година во август, песната победува на Power Hits Estate 2022 година.

На 28 јуни учествува на хуманитарниот концерт Love Mi, организиран од Федез и Џеј Екс за финансиска помош за здружението Tog-Together To Go.[18]

На 1 јули ја издава песната Pasta, во кој ги продолжува карактеристичните електронски звуци од времето познат како Not for Us.[19]

На 30 септември 2022 е дел од вториот албум на изведувачот Thasup, со песната Scialla.

Во 2022 ја објавува песната Abissale,[20] по која следи албумот Rave албум, eclipse.

На 4 декември, Амадеус го најавува неговото учество на 73. Фестивал во Санремо[21] со песната Tango и се пласира на петтото место.

Приватен живот[уреди | уреди извор]

По успех на ТОП диџеј во 2014 година, Тананаи се преселил од Колоњо Монцезе, каде живеел со своето семејство,[22] во Милано.

Изјавил дека имал проблеми со тежината и бил жртва на насилство.

Дискографија[уреди | уреди извор]

Албуми[уреди | уреди извор]

  • 2017 година - To Discover and Forget (под псевдонимот Not for us)
  • 2020 година - Piccoli boati
  • 2022 година - Rave, eclissi

Наводи[уреди | уреди извор]

  1. ↑ „Cologno tifa per Tananai a Sanremo“. 1º febbraio 2022. Проверете ги датумските вредности во: |date= (help)
  2. ↑ 2,0 2,1 „Not For Us: essere se stessi paga“ (италијански). 2016-12-20.
  3. ↑ „NOT FOR US“ (италијански).
  4. ↑ „Not For Us | I Concorrenti di TOP DJ“ (англиски). Архивирано од изворникот на 2023-04-10. Посетено на 2023-04-10.
  5. ↑ Предлошка:Cita web
  6. ↑ „Not For Us gioca un altro campionato“ (италијански). 2017-10-13.
  7. ↑ „Tananai a Sanremo 2022“. TV Sorrisi e Canzoni. 25 gennaio 2022. Проверете ги датумските вредности во: |date= (help)
  8. ↑ „Guida a Disumano di Fedez, il passato, l'amore e la famiglia, con gli attacchi a Meloni e Renzi“. 26 novembre 2021. Проверете ги датумските вредности во: |date= (help)
  9. ↑ „Sanremo Giovani 2021: ecco i 12 finalisti del 15 dicembre su Rai1“. 22 novembre 2022. Проверете ги датумските вредности во: |date= (help)
  10. ↑ „Sanremo 2022: tre giovani accedono al Festival (ci saranno 25 cantanti)“. 14 dicembre 2021. Проверете ги датумските вредности во: |date= (help)
  11. ↑ „Italy: Yuman, Tananai and Matteo Romano join Sanremo 2022 lineup as the 25 artists reveal their song titles“ (англиски). 16 dicembre 2021. Проверете ги датумските вредности во: |date= (help)
  12. ↑ „Raina di nuovo a Sanremo: «Un brano per un emergente»“. 21 gennaio 2022. Проверете ги датумските вредности во: |date= (help)
  13. ↑ „Tananai, tour estivo 2022: tutte le date“. 23 marzo 2022. Проверете ги датумските вредности во: |date= (help)
  14. ↑ „Tananai fa doppio sold out a Milano e annuncia il tour estivo“. 22 marzo 2022. Проверете ги датумските вредности во: |date= (help)
  15. ↑ „Sanremo 2022 un mese dopo: disco di platino a Sangiovanni e Dargen D'Amico, oro per Tananai e Matteo Romano“. 8 marzo 2022. Проверете ги датумските вредности во: |date= (help)
  16. ↑ „Tananai spodesta Mahmood e Blanco e conquista la vetta della classifica di Spotify“. 2 aprile 2022. Проверете ги датумските вредности во: |date= (help)
  17. ↑ „Classifica settimanale WK 23 (dal 03.06.2022 al 09.06.2022)“.
  18. ↑ „Chi è Tananai, il riscatto del cantante: da Sesso occasionale a La dolce vita“. 28 giugno 2022. Проверете ги датумските вредности во: |date= (help)
  19. ↑ „Testo e significato di Pasta, Tananai torna alle origini per il tormentone estivo dopo La Dolce vita“. 1º luglio 2022. Проверете ги датумските вредности во: |date= (help)
  20. ↑ „Tananai annuncia il nuovo singolo "Abissale" con una performance curiosa“. 10 ottobre 2022. Проверете ги датумските вредности во: |date= (help)
  21. ↑ „Cologno Monzese, Tananai tra i big di Sanremo 2023“. 4 dicembre 2022. Проверете ги датумските вредности во: |date= (help)
  22. ↑ „Cologno tifa per Tananai a Sanremo“. 2022-02-01.

Други проекти[уреди | уреди извор]

Повеќе за Тананаи на збратимените проекти на Википедија
Дефиниции и преводи на Викиречник ?
Податотеки на Ризницата ?
Образовни ресурси на Викиуниверзитет ?
Новинарски известувања на Викивести ?
Мисли на Викицитат ?
Изворни текстови на Викиизвор ?
Прирачници на Викикниги ?
 ? Информации за патување во Википатување ? ?

Надворешни врски[уреди | уреди извор]

Контрола на органот ISNI ( ИТ ) 0000 0005 0613 8120 SBN DDSV394270 _

Categoria:Voci con codice ISNI Categoria:Voci con codice SBN (nomi) Categoria:Voci biografiche con codici di controllo di autorità

Преземено од „https://mk.wikipedia.org/w/index.php?title=Тананаи&oldid=5193706“