Сети I
| Сети I | |
|---|---|
 Сети I | |
| Фараон на Египет | |
| Владеел | 1294/1290 — 1279 пр. н. е., XIX династија |
| Претходник | Рамзес I |
| Наследник | Рамзес II |
Владетелски звања
| |
| Татко | Рамзес I |
| Мајка | Ситре |
| Починал | 1279 пр. н. е. |
Сети I — вториот фараон од XIX династија на Стариот Египет. Веројатно управувал околу 1290–1279 пр. н. е. или 1294–1279 пр. н. е., кои се најчесто прифатени датуми. Сети I бил еден од извонредните владетели на Стариот Египет, иако неговата слава и достигнувања подоцна биле надминати од неговиот син Рамзес II. За време на неговото релативно кратко владеење, тој успеал да се истакне и како војсководец и како градител. Главната заслуга на Сети I била обновувањето на египетското воено-политичко влијание во Левантот, кое било изгубено во доцната XVIII династија. Обидот за заживување на агресивната империјална политика од времето на освојувачот на фараонот Тутмос III бил во голема мера успешен, иако последиците од победите не биле доволно одлучувачки и долготрајни.
Сети I бил син на Рамзес I и кралицата Ситре, која немала кралска лоза.[1] За време на владеењето на неговиот татко, ја извршувал должноста прв везир и началник на војската.[2] За должината на неговото владеење се расправа меѓу научниците. Според некои египтолози, 11 година е последна потврдена со сигурност. Недостигаат убедливи докази за 15 или 17 година.[3][4] Поновите проучувања укажуваат на владеење од само 9 години.[5][6]
Наводи[уреди | уреди извор]
- ↑ Aidan Dodson & Dyan Hilton: The Complete Royal Families of Ancient Egypt, Thames & Hudson (2004), p. 160 – 163
- ↑ Nicolas Grimal: A History of Ancient Egypt, Blackwell Publishing (2005), p. 246 – 250
- ↑ Erik Hornung: The New Kingdom, In: Ancient Egyptian Chronology (Handbook of Oriental studies: Section One, The Near and Middle East; Volume 83). Brill, Leiden/ Boston 2006, p. 210 – 211
- ↑ Jürgen von Beckerath: Chronologie des Äegyptischen Pharaonischen, Phillip von Zabern (1997), p. 190
- ↑ Jacobus Van Dijk: The date of the Gebel Barkal Stela of Seti I, In: D. Aston, B. Bader, C. Gallorini, P. Nicholson & S. Buckingham (eds): Under the Potter's tree. Studies on Ancient Egypt presented to Janine Bourriau on the Occasion of her 70th Birthday, Leuven: Peeters 2011, (Orientalia Lovaniensia Analecta; 204), p. 325 – 332
- ↑ David A. Aston: Radiocarbon, Wine Jars and New Kingdom Chronology, Ägypten und Levante Vol. 22/23 (2012/2013), p. 289 – 315
Надворешни врски[уреди | уреди извор]
 |
„Сети I“ на Ризницата ? |