Селемлиско Езеро

Селемлиско Езеро
Поглед на Селемлиското Езеро
Координати	41°08′31″N 22°36′50″E
Вид	вештачко
Главни приливи	Селемлиска Река
Главни истеци	Селемлиска Река
Сливни земји	Македонија
Најг. должина	600 м км
Најг. ширина	400 м км
Најг. длабочина	10 м м
Зафатнина	840.000 м3 км3

Селемлиско Езеро или Селемлија — вештачко езеро во непосредна близина на селото Селемли, на крајниот југоисток на Македонија, непосредно до границата со Грција. Езерото било создадено во текот на 1970-тите години за наводнување на околните насади со лозје.

Потекло на поимот

Езерото со околината

Езерото името го добило по селото Селемли, во чијашто непосредна близина се наоѓа.

Географија

По својата големина, Селемлиско Езеро спаѓа во групата на мали вештачки езера, при што неговата зафатнина изнесува 840.000 м³ вода. Езерото има издолжен облик и се протега во правец север-југ. Неговата должина изнесува околу 600 метри, додека најголемата ширина изнесува околу 400 метри. Езерото има длабочина од 3 до 10 метри. Основен извор за полнење со вода е мала рекичка која извира во Егејска Македонија, но од неа езерото нема постојан прилив на вода, така што значаен извор се есенските и пролетните дождови. Нивото на водата во езерото е доста променливо, па во некои сушни години опаѓа и за повеќе од 3 метри.

Риби

Езерото располага со богат рибен фонд и е привлечно место за рекреација на спортските риболовци. Во минатото езерото било испразнувано и порибувано, така што во него денес се среќаваат следните видови риба: крап, караш, сончаница, црвеноперка, љињак, штука, сом и костреш.

Галерија

• 
  Поглед на езерото
• 
  Поглед на езерото

Поврзано

• Паљурци
• Селемли

Надворешни врски

• Селемлиско Езеро на Ризницата ^?