Рудник ’Ржаново

Од Википедија — слободната енциклопедија
Прејди на прегледникот Прејди на пребарувањето
Поглед на рудникот „’Ржаново“

’Ржаново — рудник на фероникел во областа Тиквешко Мариово, во јужниот дел на Македонија. Наоѓалиштето е сместено во атарот на истоименото село.[1]

Отворањето на рудникот бил основа за изградба на тополницата Фени во близина на Кавадарци во 1982 година.[2]

Рудникот бил затворен во 2013 година од страна на компанијата „Фени Индустри“.[3]

Руда[уреди | уреди извор]

Рудата се јавува при контакт помеѓу јурските серпентнити и шкрилците во подината и кредните варовници. Просторно, рудниот слој има субвертикална положба и под влијание на силните тектонски движења има инверзна положба. Минералната асоцијација на ова наоѓалиште е: магнетит, хематит, клинохлор, талк, сепиолит, пирит, магхемит, пиротин, дигенит, милерит и др.[1]

Вкупно утврдени геолошки рудни резерви на фероникел се 42 милиони тони со 31% железо и 1,03% никел.[1]

Производство[уреди | уреди извор]

Годишното производство на рудникот било 800.000 тони руда, со околу 1% никел, 30% железо, 0,05% кобалт.[1]

Производството било прекинато во 2013 година од страна на компанијата „Фени Индустри“, која го затворила рудникот, отпуштајќи ги неговите вработени.[3]

Транспортна лента[уреди | уреди извор]

Помеѓу отворениот коп на рудникот „’Ржаново“ и топилницата „Фени“ постои транспортна лента за превоз на руда, која спаѓа меѓу најдолгите на Балканот.[2]

Поврзано[уреди | уреди извор]

Наводи[уреди | уреди извор]

Координати: 41°10′10″N 21°59′30″E / 41.16944° СГШ; 21.99167° ИГД / 41.16944; 21.99167