Потица

 

Потица , (исто така словенска потица ) е традиционално празнично пециво од Словенија .

Зборот потица, потекнува од зборот повитица. Повитица е изведен од глаголот „повити“, што значи завиткување и означува вид на пециво што го виткате. Овој тип на десерт е вообичаен во многу источноевропски земји, во регионите кои граничат со Словенија, на пример, во Фриули во соседна Италија, подготвуваат сладок леб наречен губана, во Австрија ролна наречена Карнтнер Реинлинг.

Сорти

„Потица“ се состои од завиткано пециво направено од тесто тенко како хартија, исполнето со многубројните филови, но најчесто со фил од орев .

Најкарактеристичните потици се прават со мелен орев, тарагон, кварк, лешник или афион, посолени дури и со чичоли или сланина и други филови. Потица е празнично пециво и може да се пече на два начина: во рерна или директно на огниште, но оригиналната словенска потица е пециво во облик на прстен, секогаш печено во специјален облик на калап за печење потица (керамички, стаклен или плех), наречен потичник, кој има конусно испакнување во средина.

Потица се служи и секој Велигден и Божиќ во Словенија и сè уште е многу популарна дури и во некои делови на САД. На пример, потица е популарна понуда во многу локални пекари во Хибинг, Минесота врз основа на рецепти кои се пренесувале со генерации во заедницата.

• 
  Потица направена со мешани ореви и цимет
• 
  Потичник - традиционален калап за печење за потица
• 
  Потица како дел од традиционалниот словенечки велигденски појадок
• 
  Американска потица во пекарницата Кајзер Сикс Поинт

Режим на заштита

Словенска потица е регистрирана како традиционален специјалитет гарантиран (TSG) во Европската Унија од април 2021 година.

Поврзано

• Белокрањска повитица