Портал:Биографија/Одбрана статија/2007/мај
Ѓорѓи Сугарев (Георги Сугарев) е Македонски револуционер и Битолски окружен војвода на ВМОРО (Внатрешната Македонско-Одринска Револуционерна Организација).
Ѓорѓи Сугарев е роден во град Битола во 1876 година во семејство од крајно сиромашни родители. Преживеаната мизерија во него раѓа омраза спрема несправедливоста и нееднаквоста. Уште во детските години тој ја почувствувал омразата и кон поробителот, а во младинските години таа добива сè поголем и поголем размер.
Не успевајќи да заврши IV. клас во Битолската гимназија, поради големите семејни оскудици, тој ја напушта гимназијата и ѝ се оддава на учителската кариера, преку којашто успева да го прави тоа што најмногу му лежи на срце: да го буди народот и да го учи, како да се бори и умира за својата слобода. Тој учителствува во градот Битола, Битолската и Кичевска околија.