Охрид (село)

Охрид
Охрид; Охрид
	село
	ОхридМестоположба на Охрид во Бугарија
	Координати: 43°27′19″N 23°22′50″E / 43.455247° СГШ; 23.38048° ИГД
Земја	Бугарија
Област	Монтана
Општина	Бојчиновци
Управа
• Градоначалник	Трифон Денков (Заедно за силна општина)
Површина
• Вкупна	25,104 км2 (9,693 ми2)
Надм. вис.	107 м
Население (2022)
• Вкупно	349
• Густина	14/км2 (36/ми2)
Часовен појас	EET (UTC+2)
• Лете (ЛСВ)	EEST (UTC+3)
поштенски код	3438
Повик. бр.	+359 09513

Оваа статија се однесува на селото во Бугарија. За за градот во Македонија, погл. Охрид.

Охрид (бугарски: Охрид) — село во северозападна Бугарија, во општината Бојчиновци во Монтанската Област. Има население од околу 349 жители (2022).^[1]

Географија и местоположба[уреди | уреди извор]

Селото се наоѓа на 4 километри од железничката станица Бојчиновци на линијата Видин – Софија. Куќите му се наоѓаат на двата брега на реката Ботуња. Над селото се издига висината П’стрина.

Историја[уреди | уреди извор]

Според историчарите, во местото на селото имало живот уште во антиката. Во римско време низ него минувал главен пат од денешните Лом и Орјахово до Враца.

Во 1861 година во селото била изградена црквата „Свети Димитар“. По ослободувањето на Бугарија, селаните ја подигнале црквата која била вкопана во земјата и таа се надвивала над куќите со своите камени ѕидови. За да знаат кога се наближува празник, селаните нарачиле да им се одлее камбана дури во Грузија. Бронзеното „ѕвоно“ со брод по Дунав било доставено до пристаништето во Лом и оттаму со количка пристигнало во селото. Легендата вели дека камбаната всушност била одлеана за македонскиот град Охрид, но по грешка била испратена во селото Охрид. Тоа е побиено со тоа што на камбаната има лиен натпис „Село Охрид“.^[2] Денес, грузинската камбана е само вреден експонат. Пред неколку години се пукна и беше симната. На нејзиното место е поставена нова камбана, нарачана од Емил Живков.