Никола Темков

Од Википедија — слободната енциклопедија
Прејди на прегледникот Прејди на пребарувањето
Роден 08.10.1977
Македонија Скопје, Македонија

Никола Темков, роден на 8 октомври 1977 во Скопје, е македонски стрип автор и илустратор. Неговите стрипови се објавувани во списанијата: „Студентски Збор“, „Стрип Арт”, „Креатор”, „Синдром”, „Пегаз” (Македонија), „Апокалипса” (Словенија), француското издание “Francopholie”, како и американските изданија “Sawdust” и “Stalker”.

Од 2010 до 2012 работи на веб-стрип (LOAH) што излегува неделно во Канада. Работел на илустрации на неколку објавени книги и сликовници и тоа за различни издавачи од Англија (Earlywork Press), САД (Workshed Studio), и Македонија (Просветно дело, Табернакул). Има и работно искуство како илустратор/дизајнер на списанија во Македонија (Life Магазин, Карамел).

Има учествувано на повеќе групни изложби во Македонија, Србија, Грција и Чешка. Во 2012 има реализирано самостојна изложба во Кафе ЛИ. [1] [2] [3]

Во 2013 заедно со Игор Јовчевски отвораат издавачка куќа „Стрип Квадрат“. [4]

Во 2014 година го објавува стрип албумот „Различни Светови“, како и сликовниците од едицијата „Револуционери“, и тоа: „Храброта на Гоце“, „Пиринскиот цар“, „Првиот претседател“, „Јунакот од Мечкин Камен“ и „Учителот до Смилево“.

Наводи[уреди | уреди извор]

  1. „Стрип изложба на Никола Темков во Кафе ЛИ“, „Утрински Весник“, 7 декември 2012 година
  2. „Изложба на стрипови и илустрации на Никола Темков - Кафе ЛИ“, „Македонски Стрип Форум“, 8 декември 2012 година
  3. „Никола Темков - стрип автор и илустратор“, „Македонска Ризница“ број 19, февруари 2014 година, стр. 46
  4. „Стрип Квадрат“ промовира сликовница инспирирана од Гоце Делчев, „Дневник“, 14 јуни 2013 година

5. Две нови изданија на „Стрип квадрат“: „Различни светови“ и „Пиринскиот цар“, „Република“, 22 Мај 2014

6. Сите изданија на „Стрип Квадрат“, „Купи книга“, 20 Јули 2016