Најдо Зафировски
Најдо Костов Зафировски ( 1926 во Добри Дол (Скопско) — 1945 во Хрватска) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Потекнувал од сиромашно селско семејство. По завршувањето на основното училиште се занимавал со земјоделство. По ослободувањето на Скопје стапил во Шеснаесеттата македонска ударна бригада. Со неа заминал на Косово и учествувал во конечното ликвидирање на балистичките банди. Потоа заминал на Сремскиот фронт. Учествувал во голем број борби, како и во ослободувањето на Славонска Пожега, каде македонските единици покажале голема храброст. Загинал кон крајот на април 1945 година во една борба против непријателот.[1]