Мадурски јазик

Мадурски
Basa Mathura
Застапен во	островите Мадура и Сапуди, северно крајбрежје ја источна Јава, Сингапур
Народ	Мадурци
Говорници	(14 милиони во 1995 г.)
Јазично семејство	австронезиско малајско-полинезиско јадрено малајско-полинезиско малајско-сумбавско ? мадурски
Дијалекти	кангеански
Јазични кодови
ISO 639-2	mad
ISO 639-3	mad

Мадурски текст напишан на јаванско писмо (1890)

Мадурскиот (Basa Mathura) е матичен јазик на Мадурците, жителите на островот Мадура и источна Јава, Индонезија. Се говори и на помалите соседни острови Кангеан и Сапуди, како и во иселениците во други делови на Индонезија Пасуруан, Сурабаја и Маланг, па сè до Бањуванги и островската група Масалембу. Кангеанското наречје на јазикот може да се смета за посебен јазик. Мадурскиот порано се пишувал со јаванското писмо, но денес позастапена е латиницата. Бројот на говорници постојано се намалува. Во 1995 изнесувал 14 милиони, а денес се проценува дека јазикот го говорат 8-13 милиони луѓе.

Сродноста со балиско-сасачките јазици е позабележлива во народниот облик на јазикот. Извесни зборови мадурскиот ги дели со филипинските јазици и банџарскиот. Има неколку дијалекти.

Фонологија и морфологија

Мадурскиот има повеќе согласки од соседните јазици бидејќи има безвучни неприздивни, безвучни приздивни и звучни гласови. Слично како јаванскиот, постои изразена разлика помеѓу забните и венечните (дури и свиените) избувни согласки. Именките не се менуваат по род, а множината се претставува со редупликација. Зборовниот ред е од обликот „подмет-прирок-предмет“ (SVO). Негацијата се изразува со негативна честичка пред глаголот, придавката или номиналната фраза. Како и кај другите сродни јазици, постојат повеќе негативни честички за разни видови на негација.

Почести зборови

• маж: lalake
• жена: babine
• да: iya
• не: enja
• вода: aeng
• сонце: are
• три: tello'
• јас: sengko'
• ти: be'en

Поврзано

• Малајско-сумбавски јазици