Мадам Веб (филм)

„Мадам Веб (филм)“
	Плакатот на македонски
Режисер	Ес-Џеј Кларксон
Продуцент	Лоренцо ди Бонавентура
Главни улоги	Дакота Џонсон; Сидни Свини; Изабела Мерсед; Селест О’Конор; Тахар Рахим; Мајк Епс; Ема Робертс; Адам Скот;
Музика	Јохан Седерквист
Кинематографија	Мауро Фиоре
Студио	Columbia Pictures; Di Bonaventura Pictures; Marvel Entertainment; TSG Entertainment;
Дистрибутер	Sony Pictures Releasing
Премиера	12 февруари 2024 г. (театар Regency Village); 14 февруари 2024 г. (САД); 15 февруари 2024 г. (Македонија)
Времетраење	116 минути
Земја	САД
Јазик	англиски; + македонски (титла);
Буџет	80 милиони долари
Бруто заработка	8,2 милиони долари

Мадам Веб (англиски: Madame Web) — американски суперхеројски филм заснован на стриповите на Marvel Comics за Мадам Веб. Произведен е од Columbia Pictures и Di Bonaventura Pictures во соработка со Marvel и TSG Entertainment и распределен од Sony Pictures Releasing. Тој е четвртиот филм во медиумската франшиза „Вселената на Спајдермен од Sony“. Режисерка била Ес-Џеј Кларксон, таа го напишала и сценариото заедно со Мет Сазама, Бурк Шарплес и Клер Паркер, заснована на приказната од Керем Санга, Сазама и Шарплес. Главните улоги ги толкуваат Дакота Џонсон, Сидни Свини, Селест О'Конор, Изабела Мерсед, Тахар Рахим, Мајк Епс, Ема Робертс и Адам Скот.

Sony започнал да го развива филмот за Мадам Веб во својата заедничка вселена во септември 2019 г., а Сазама и Шарплес биле најмени да го напишат сценариото. Претходно Керем Санга подготвила нацрт-верзија. Кларксон се приклучила на проектот во мај 2020 г., а Џонсон добила улога на почетокот на 2022 г. Снимањето започнало во средината на јули 2022 г. и се одвивало во Бостон и низ Масачусетс до септември; Снимањето се одржало во Њујорк во средината на октомври и завршило до крајот на годината.

Премиерата на филмот „Мадам Веб“ се одржала на 12 февруари 2024 г. во театарот Regency Village во Вествуд (Лос Анџелес), и во американските кина на 14 февруари. Во Македонија, премиерата била на 15 февруари истата година.^[2] Филмот добил негативни одзиви од критичарите.

Содржина[уреди | уреди извор]

Болничарка од Менхетн, која по несреќа развива видовити способности што ѝ овозможуваат да ги гледа идните настани, е принудена да се соочи со откритијата за нејзиното минато; таа мора да заштити три млади жени од таинствен противник што ја сака нивната смрт.