Крошна

Од Википедија — слободната енциклопедија
Крошна на дрво

Крошна е оној дел од стеблото на растението што го сочинуваат гранките.[1] На нив има листови и репродуктивните елементи. Повеќе крошни на дадено место образуваат шумски покрив.

Постојат најразлични облици на крошни. Два главни типа се крошните со нагорен раст, кои се конусни по облик, и крошните со надолен раст, кои се округли. Други својства на крошните се нивната ширина, површина, зафатнина и густина. По димензиите на дадениот примерок се утврдува здравствената состојба, фаза на растот и ефикасноста на растението.

Крошната има за задача да ја претвора енергијата со фотосинтеза, да ја испушта со дишење и да ја испушта водата кон атмосферата со транспирација. Овие функции ги вршат листовите. Гранките даваат механичка потпора и ефикасно ги распоредуваат листовите и спроведуваат ресурси (вода, хранливи материи, фотосинтати) за извршување на овие функции.

Поврзано[уреди | уреди извор]

Наводи[уреди | уреди извор]

  1. „крошна“ - Дигитален речник на македонскиот јазик
  • Крошна Архивирано на 2 декември 2007 г. (англиски)
  • Kozlowski, T.; Kramer, P.; Pallardy, S. (1991) The physiological ecology of woody plants. Academic Press