Кондензација
Кондензација (од лат. condensatio = „згуснување, збивање“) — промена во физичката агрегатна состојба на гасна состојба во течна[1] и како појава е обратна на испарувањето.[2] Кога состојбата на една материја преоѓа од гасна право во цврста, промената се нарекува десублимација (депозиција). Течноста настаната со кондензација се нарекува кондензат.[3]
Настанок[уреди | уреди извор]
Процесот на кондензација започнува со образуввањето на атомски/молекулски грстови од еден вид во рамките на неговата гасовита зафатнина, како што се образуваат дождовните капки или снегулките во облаците, или пак со контакт помеѓу таквата гасна состојба и (растворлива) течна или цврста површина.
Повратност[уреди | уреди извор]
Во зависност од каратерот на површината, постојат неколку можности за повраток на агрегатната состојба.
- впивање во површината на една течност (од ист вид или друга течност што ја раствора) - се повраќа со испарување.[2]
- адсорпција (како капки роса) на цврста површина при притисок и температура повисоки од тројната точка на тој вид — исто така се повраќа со испарување.
- адсорпција во цврста површина (како додатни слоеви на цврста материја) при притисок и температура пониски од тројната точка на видот — се повраќа со сублимација.
Најчести случаи[уреди | уреди извор]
Кондензацијата најчесто се јавува при ладењето и/или набивањето на пареата до крајна презаситеност, кога молекуларната густина во гасната состојба ја достигнува максималната граница. Направата што лади и набива пареа и ја собира кондензираната течност се нарекува „кондензатор“.
Мерење[уреди | уреди извор]
Стапката на кондензација во воздухот и испарувањето на водата од истиот при разни атмосферски притисоци и температури се мери со влагомер.
Кај живите организми[уреди | уреди извор]
Постојат разни организми што црпат вода по пат на кондензација. Такви се австралискиот гуштер молох, инсектите брашнари од брегот на Намибија и дрвата секвои од Западното крајбрежје на САД.
Поврзано[уреди | уреди извор]
Наводи[уреди | уреди извор]
- ↑ „кондензација“ — Лексикон на македонскиот јазик
- ↑ 2,0 2,1 IUPAC, Compendium of Chemical Terminology, 2. изд. (the "Gold Book") (1997). Семрежна поправена верзија: (2006–) "кондензација во атмосферската хемија". doi:10.1351/goldbook.C01235
- ↑ „кондензат“ — Лексикон на македонскиот јазик
- „Принципи на кондензацијата (слика)“. Архивирано од изворникот на 2007-03-26. Посетено на 2012-09-11. (англиски)
