Кенткаус III
| Кенткаус III | |||||
|---|---|---|---|---|---|
| Сопруга на кралот, Мајка на кралот | |||||
| На престол | околу 2450 г. п.н.е. | ||||
| Почивалиште | Абусир, мастаба AC 30 | ||||
| Сопружник | Неферефре? | ||||
| Деца | Менкаухор Каиу? | ||||
| Египетско име |
Ḫnt kȝw=s | ||||
| Династија | Петта египетска династија | ||||
| Татко | Нефериркаре Какаи? | ||||
| Мајка | Кенткаус II? | ||||
| Вероисповед | Староегипетска религија | ||||
Кенткаус III,[1][2] честопати нарекувана Кентакавес III од страна на медиумите, била древна египетска кралица која живеела за време на Петтата династија околу 2450 п.н.е.[1]
Кенткаус најверојатно била ќерка на кралот Нефериркаре Какаи и кралицата Кенткаус II, додека нејзиниот сопруг најверојатно бил фараонот Неферефре,[2] а нејзиниот син бил фараонот Менкаухор Каиу.[3][4]
Откривање на гробот
[уреди | уреди извор]На 4 јануари 2015 година, откривањето на нејзината гробница од страна на чешки археолози било објавено од страна на египетските власти.[3] Според египетскиот министер за антиквитети Мамдух Елдамати, немало сознанија за постоењето на Кенткаус III пред ова откритие. Меѓутоа, претходно биле идентификувани две претходни египетски кралици со исто име.[3][5]
Гробот на Кенткаус III, означен како AC 30,[1] бил ископан во Абусир, каде што има неколку пирамиди посветени на фараоните од Петтата династија, вклучувајќи го и Неферефре.[5] Гробницата била пронајдена во близина на погребниот комплекс на Неферефре од страна на чешкиот археолошки тим предводен од Мирослав Барта од Универзитетот Чарлс во Прага, во соработка со Египет.
Името и рангот на Кенткаус биле впишани на внатрешните ѕидови на гробот, веројатно од градителите.[5] Погребана е во мастаба со подземна гробница до која се постигнува преку шахта.[6] Цртежите во гробот ја идентификувале како „жената на кралот“ и „мајката на кралот“, што значи дека нејзиниот син подоцна бил на престолот.[2][4] Во гробот биле пронајдени и статуетки и дваесет и четири предмети од травертин, заедно со четири бакарни предмети (кои биле дел од погребните предмети).[4] Гробот е датиран од средината на Петтата династија.[5]
Археолозите кои ја откриле гробницата верувале дека тоа е на сопругата на Неферефре, бидејќи била блиску до неговиот комплекс, на мали гробишта југоисточно од комплексот.[6][7] Елдамати изјавил: „Ова откритие ќе ни помогне да откриеме некои непознати аспекти на Петтата династија, која заедно со Четвртата династија, била сведок на изградбата на првите пирамиди“.[8]
Наводи
[уреди | уреди извор]- ↑ 1,0 1,1 1,2 „Czech expedition discovers the tomb of an ancient Egyptian unknown queen“. Charles University. January 2015.
- ↑ 2,0 2,1 2,2 Verner, Miroslav (2014). Sons of the Sun. Rise and decline of the Fifth Dynasty. Prague: Charles University. стр. 58. ISBN 978-8073085414.
- ↑ 3,0 3,1 3,2 „Tomb of previously unknown pharaonic queen found in Egypt“. The Express Tribune. AFP. 4 January 2015. Посетено на 21 April 2018.
- ↑ 4,0 4,1 4,2 „Tomb find reveals existence of new Egyptian queen“. The San Diego Union-Tribune. 4 January 2015. Архивирано од изворникот на 2018-05-16. Посетено на 21 April 2018.
- ↑ 5,0 5,1 5,2 5,3 „Tomb of Fifth Dynasty queen found in Egypt“. ABC Online. ABC. 4 January 2015. Посетено на 21 April 2018.
- ↑ 6,0 6,1 „4500 years old tomb of unknown Ancient Egyptian Queen discovered“. Luxor Times. 9 January 2015.
- ↑ Roisin O'Connor (5 January 2015). „Tomb of ancient Egyptian queen uncovered by archaeologists“. The Independent. Посетено на 21 April 2018.
- ↑ „Queen Khentakawess III's tomb found in Egypt“. BBC News. 5 January 2015. Посетено на 21 April 2018.