Карловачко (пиво)
.jpg) | |
 Фред Гилберт кој е продажен претставник на Ararat Import Export Co., покажува шишиња Карловачко од Хрватска на 13. годишен светски фестивал на пивото одржан во Атлетскиот парк Дарам Булс во Дарам, Северна Каролина | |
| Вид | Пиво |
|---|---|
| Местоположба | Карловац, Хрватска |
Карловачко (изворно Karlovačko) ― популарно пиво во Хрватска и Босна и Херцеговина. Тоа е основен производ на пиварницата Karlovačka Pivovara (Карловачка пивовара), подружница на Heineken International, сместена во градот Карловац. Има содржина на алкохол од околу 5,4 проценти по волумен.[1] Неговите создавачи го опишуваат како „златно-жолто“ по боја и „освежувачки“ горчливо по вкус.[1] Во 2005 година освоило златен медал во категоријата пива со 4,5 до 5,5 проценти алкохол.[2] На сликата овде во кафено шише, Карловачко сега е продавано во зелени шишиња (исто така во лименки и пластична амбалажа).
Heineken International го купил Карловачко на 1 април 2003 година. Karlovačka pivovara подоцна го добила името Heineken Hrvatska d.o.o на 10 декември 2014 година. Палетата на пива на Heineken Hrvatska вклучува: Karlovačko 0,0% Maxx, Karlovačko Limun Natur Radler, Karlovačko Laganini Natur Radler, Karlovačko Leđero Natur Radler, Karlovačko nepasterizirano Retro, Krušovice, јаболковината Stari Lisac и Karlovačko crno. Имаат и меѓународни брендови како што се Heineken, Amstel Premium Pilsener, Edelweiss Snowfresh, Desperados, Affligem, Strongbow. Во нивното портфолио се и пивата Laško Zlatorog, Laško Specia и Union Radler со грејпфрутот.
Хрватски јачмен за производство на пивото Карловачко
Во јули 2014 година, Heineken Hrvatska покренало иницијатива на хрватски јачмен за производство на пивото Карловачко. Со овој проект се обврзалеа да користат јачмен со хрватско потекло, од хрватски ниви. По потпишувањето на писмото за намери за соработка помеѓу проектните партнери, првото пиво Карловачко со хрватски јачмен било пуштено на пазарот во февруари 2015 година. Со овој проект сакале да обезбедат одржливо домашно производство на клучната состојка со цел да се влијае на развојот и поддршката на месната економија.
Наводи[уреди | уреди извор]
- ↑ 1,0 1,1 „Proizvodi“. Karlovačka pivovara. Архивирано од изворникот на 21 октомври 2008. Посетено на 30 јули 2023.
- ↑ „Winners of The Brewing Industry International Awards in 2005“. The Brewing Industry International. Архивирано од изворникот на 23 септември 2016. Посетено на 30 јули 2023.
Надворешни врски[уреди | уреди извор]
Карловачко (пиво) на Ризницата ?
