Димитар Гоголаков

Од Википедија — слободната енциклопедија
(Пренасочено од Капетан Митруси)
Прејди на прегледникот Прејди на пребарувањето
Kapetan-mitrousis 1.jpg
Роден Хуманџа, денес Грција
Починал 14 јули 1907
Сер, денес Грција
Димитар Гоголаков

Димитар Гоголаков, наречен Митруш, во Грција како Димитриос, Димитрис, Митрусис Гоголакис или Капетан Митрусис (Δημήτριος, Δημήτρης, Μητρούσης Γκογκολάκης, Καπετάν Μητρούσης) — гркомански андартски капетан и учесник во Борбата за Македонија за заземање на Егејска Македонија од Македонците и нивна асимилација или истерување.

Биографија[уреди | уреди извор]

Гоголаков е роден во селото Хуманџа. Со засилувањето на грчката воружена пропаганда во Македонија, тој застанал на чело на една андартска чета која ги обиколувла селата во Серско и вршеала притисок врз македонското егзархиско население.

Според Христо Силјанов, прва жртва на Гоголаков бил Мито Милушев од село Долно Христос. Поради ова убиство, како и поради други, тој бил осуден од страна на Македонската револуционерна организација. Смртната пресуда требало да ја изврши војводата Таската Серски.

На 1 септември 1906 година војводата Таската Серски влегол во селото Хуманџа за да ја изврши пресудата но Гоголаков успеал да избега, а четата на Македонската револуционерна организација ги ликвидирала неговата жена и дете.

Гологанов со цел за да се одмази на 25 октомври со својата чета го нападнал егзархиско село Горно Караџово. Во текот на нападот биле запалени 10 куќи и биле убиени 30 души. Од напаѓачите бил ранет андарскиот капетан на џумајската чета Атанас Хаџипантазиев (Танасис Хадзипантазис), тој од здобиените рани умрел во јануари 1907 година.

Нападот на селото Горно Караџово ги раздвижило големите сили и нивните дипломатски преставници, како што биле австроунагарскиот конзул Пари и франсцускиот офицер Фулон.

По нападот на селото Серскиот силогос го пратил Гоголаков во Атина, но по два месеци се вратил во Македонија и застанал на чело на андартска чета потпомогнат од Теодорос Турлендес от Мегалополи и Николаос Панајоту [1] от Агринио.

На 13 јули 1907 година Гоголаков зедно со четворица андарти - Јанис Урдас, Михалис Узунис, Турлендес и Панајоту, влегол во серскиот кварт Каменика и сите петмина се сместиле во куќата на свештеникот од црквата Свето Благовешение. Таму биле предадени од Дико и квартот бил опколен од турската војска и башибузлук. Гоголаков и неговите луѓе се забарикадирале во камбанаријата на црквата и пет часа се спротиставувале. Во текот на борбата Турлендес и Узунис загинале, а Панајоту и Урдас биле ранети и заробени, подоцна биле егзекутирани, а Гоголаков се самоубил за да не се најде во рацете на власта.

Во близината на местото каде била борбата е подигнат споменик на Гоголаков, во 1927 година неговото родното село Хуманџа е преименувано во „Митруси“, а административната единица во која селото се наоѓа е именувано како Капетан Митруси.

Поврзано[уреди | уреди извор]

Надворешни врски[уреди | уреди извор]

  1. Νικόλαος Παναγιώτου