Златно блатарче
| Златно блатарче | |
|---|---|
| |
| Возрасен со перје во сезона на парење | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Блатарки |
| Род: | Pluvialis |
| Вид: | Златно блатарче |
| Научен назив | |
| Pluvialis apricaria (Linnaeus, 1758) | |
Златното блатарче или европското златно блатарче (науч. Pluvialis apricaria) — вод птица од семејството на блатарките, малку поголема од сличните на неа, американско златно блатарче Pluvialis dominiica и тихоокеанското златно блатарче Pluvialis fulva, кои освен што се помали се и потенки и со малку подолги нозе. Исто така, пердувите за летање им се сиви, а не бели (се гледаат само при лет). Оваа птица е распространета низ посеверните делови на Европа и западна Азија. Таа е птица преселница која зимува во јужна Европа и северна Африка. Ја има и во Македонија.
Опис[уреди | уреди извор]
Возрасните единки во сезоната на парење се со златни и црни точки на круната, грбот и крилјата. Ликот и вратот им е црн обрабен со бело, градите им се црни и имаат темна опашка. Нозете, исто така, им се црни. Зимно време, црната боја им се губи и тогаш ликот и градите им се жолтеникави, а одоздола се бели.
Живеалиште[уреди | уреди извор]
Живеалиштето на златното блатарче се мочурливите и влажни предели на Европа и Азија. Тие гнездат на земја, на сув и отворен простор. Птици преселници се, кои зимуваат во јужна Европа и северна Африка. Околу 500.000 птици зимуваат во Ирска и Велика Британија. Иако е вообичаена птица, поради нарушувањето на животната средина во минатото, таа во некои земји повеќе не гнезди, како на пример, во Полска, каде се појавува само како заскитана.
Размножување[уреди | уреди извор]
Гнездото претставува плитка дупка во земјата покриена со малку растителен материјал. Обично се наоѓа на отворена земја, многу ретко заштитено во трева. Несат 4 јајца во период од 2-3 дена, со големина од 52 мм и жолтокафеава боја со потемни точки. Обата родитела наизменично ги квачат јајцата триесетина дена. Откако ќе се испилат, малите веднаш го напуштаат гнездото и се способни да се хранат самостојно, но остануваат под надзор на своите родители. Ако до гнездото се приближи грабливец, возрасните им го одвлекуваат вниманието и ги оддалечуваат од него.
Исхрана[уреди | уреди извор]
Овие птици ја пасат храната во тундрите, полињата, крајбрежјата, обично она што ќе го здогледаат. Се хранат и на месечева светлина. Јадат инсекти, ракчиња и бобинки.
Статус[уреди | уреди извор]
Златното блатарче е еден од видовите на кои се однесува Договорот за заштита на африканско-евроазиските водни птици-преселници.
Наводи[уреди | уреди извор]
- ↑ BirdLife International (2012). „Pluvialis apricaria“. IUCN Red List. Version 2012.1. International Union for Conservation of Nature. Посетено на 16 July 2012.
 |
„Златно блатарче“ на Ризницата ? |
- Tomek, T. & Bocheński, Z. (2005). Weichselian and Holocene bird remains from Komarowa Cave, Central Poland. Acta Zoologica Cracoviensia, 48A(1-2), 43-65. PDF fulltext
Надворешни врски[уреди | уреди извор]
- Ageing and sexing (PDF; 1.4 MB) by Javier Blasco-Zumeta & Gerd-Michael Heinze Архивирано на 12 ноември 2013 г.
|