Ероика (филм од 1958)

Од Википедија — слободната енциклопедија
Прејди на прегледникот Прејди на пребарувањето

Ероика (полски: Eroica) - полски омнибус-филм од 1958 година, во режија на Анджеј Мунк (Andrzej Munk), кој е коавтор на сценариото, заедно со Јежи Стефан Ставински (Jerzy Stefan Stawinski). Главните улоги ги играат: Едвард Ѓевонски (Edward Dziewonski), Барбара Поломска (Barbara Polomska), Игнаци Маховски (Ignacy Machowski) итн. Во 1959 година, на Филмскиот фестивал во Мар дел Плата, Мунк ја освоил наградата FIPRESCI.[1]

Содржина[уреди | уреди извор]

Податотека:Eroica poster.jpg
Плакатот за филмот „Ероика“

Филмот раскажува две неповрзани приказни кои се бават со темата на полското воено херојство и со улогата на јунаците во текот на Втората светска војна. Првата приказна е насловена Scherzo Alla Pollacca и се случува за време на Варшавското востание. Во неа е прикажан ликот на Џиџиус (го игра Џевонски) како кукавица и пијаница кој против својата волја пристапува во Земската армија. Тој добива задача да ги убеди унгарските војници да им се приклучат на востаниците. Втората приказна е наречена „Ostinato – lugubre“ и се одвива во германски заробенички логор каде полскиот офицер Завистовски (го игра Ломницки) исчезнува, создавајќи ја легендата дека успеал да избега. Третиот дел, насловен Con bravura се бави со куририте кои преку Татрите ги пренесувале пораките на движењето на отпорот. Тој бил замислен како завршен дел на овој омнибус, но Мунк го исфрлил од финалната верзизја на филмот. Овој дел бил прикажан самостојно на полската телевизија дури во 1972 година.[2]

Во 1993. година бил снимен полскиот филм „Страшниот сон на Џиџиус Горкјевич“ (Straszny sen Dzidziusia Górkiewicza) кој ги прикажува случките на Џиџиус во посткомунистичката Полска.

Улоги[уреди | уреди извор]

Надворешни врски[уреди | уреди извор]

Наводи[уреди | уреди извор]