Драгиша Здравковски

Драгиша Здравковски
Роден	12 октомври 1952 Свети Николе, НР Македонија, ФНРЈ
Починал	3 август 2015 Скопје, Македонија
Занимање	археолог

Драгиша Здравковски (12 октомври 1952 , Свети Николе, - 3 август 2015 , Скопје) — македонски археолог и универзитетски професор, проучувач на младото камено време во Македонија.

Животопис

Здравковски е роден е на 12 октомври 1952 година во Свети Николе. Дипломирал историја на уметност и археологија на Филозофскиот факултет при Универзитетот „Кирил и Методиј“, на кој магистрирал и докторирал. Во Музејот на Македонија, тој работел од 1981 до 2013 година како кустос советник (виш кустос, кустос) за младо камено време, а во еден период ги извршувал и функциите на програмски директор и директор. Во периодот од 2008 до 2012 година Здравковски го предавал предметот „археологија на Блискиот Исток 1 и 2“ на Филозофскиот факултет, а бил избран и за научен соработник. Меѓу последните проекти по кои стручната и пошироката јавност го памети Здравковски, е археолошкото наоѓалиште Тумба Маџари во Скопје. Позначајни функции кои ги извршувал се Заменик директор на Музеј на Македонија, Секретар на ЗАМ и Секретар на редакцијата на Macedoniae acta archaeologia. Бил член на МАНД. Починал на 3 август во Скопје.