Градинарска стрнарка

Од Википедија — слободната енциклопедија
Прејди на прегледникот Прејди на пребарувањето
Градинарска стрнарка
Ortolan bunting in Sierra de Guara, Aragon, Spain.jpg
Научна класификација
Царство: Животни
Колено: Хордови
Класа: Птици
Ред: Врапчевидни
Семејство: Стрнарки
Род: Emberiza
Вид: Градинарска стрнарка
Биномен назив
Emberiza hortulana
Linnaeus, 1758

Градинарската стрнарка или градинарската овесарка (науч. Emberiza hortulana) е врапчевидна птица овесарка од семејството на стрнарките Emberizidae, група, која современите авторитети ја издвоија од фамилијата на зебите Fringillidae. Распространета е речиси низ цела Европа и западна Азија, вклучувајќи ја и Македонија. Таа е птица преселница која зимува во тропска Африка.

Опис[уреди | уреди извор]

E hortulana женка
E hortulana мажјак

Градинарската стрнарка е долга 16 см и тежи 20-25 грама, а по надворешен изглед личи на жолтогрлата стрнарка, но ѝ недостасува светлата обоеност. На пример, главата на градинарската е зеленикавосива, немасто светложолта. Песната е слична, монотоно чрчорење.

Однесување[уреди | уреди извор]

Живеалиштето на оваа птица се нивите, ораниците, полињата со пченка и сл. Живее и во лозовите насади, но не се храни со грозје.

Гнездото го сместува на земја или во грмушка близу до земја, а јајцата се прошарани со линии слични на влакненца. Обично се храни со семиња, но додека ги храни младенчињата се храни со инсекти.

Гастрономија[уреди | уреди извор]

Во Франција, оваа птица се смета за специјалитет. Еден начин за брзо гоење на птицата е со затварање во темна кутија со просо, што ја принудува да се храни постојано.

Ритуалот на јадење, пак, бил да ја покријат главата и лицето со голема салфетка и на тој начин да се почувствува полниот вкус и мирис на храната.[2]

Исто така, во 1996 година, прошталната вечера на Франсоа Митеран содржела специјално подготвена ваква птица.[3]

Ловот на градинарската стрнарка е забранет во Франција 1999 година, но законот слабо се применувал и се смета дека околу 50.000 птици биле убиени секоја година. Во 2007 година, под притисок на Француската лига за заштита на птиците и Европската унија, француската влада вети дека ќе се спроведе директивата на ЕУ за заштита на оваа птица.[4][5]

Наводи[уреди | уреди извор]

  1. BirdLife International (2012). Emberiza hortulana. IUCN Red List. Version 2012.1. International Union for Conservation of Nature. Посетено на 16 July 2012.
  2. Урбан лов
  3. „François Mitterrand's Last Meal“. NPR. February 18, 2006. Посетено на 2008-05-26.
  4. Roasted songbird banned in France from MSNBC.com
  5. Susan Bell (10/09/2007). „France's songbird delicacy is outlawed“. Sunday Telegraph. Посетено на 2008-02-21. Проверете ги датумските вредности во: |date= (help)

Надворешни врски[уреди | уреди извор]