Војна и мир (1966)
| Војна и мир | |
|---|---|
| Режисер | Сергеј Бондарчук |
| Сценарист | Сергеј Бондарчук Василиј Соловјов |
| Заснован на | романот „Војна и мир“ од Лав Толстој |
| Премиера | 1966 година,
добитник на Оскар (1969 г.) |
| Времетраење | 431 минута (вкупно времетраење на 4те дела) |
| Земја | Советски сојуз |
| Јазик | руски француски германски |
Војна и мир ― советски филм од 1966 година, во режија на Сергеј Бондарчук.[1]
Филмот е снимен врз основа на романот на Лав Толстој „Војна и мир“. Сценариото го напишале Сергеј Бондарчук и Василиј Соловјов, музиката е на Вјачеслав Овчиников. Во главните улоги настапуваат: Сергеј Бондарчук, Људмила Савелева и Вјачеслав Тихонов. Филмот се состои од четири делови со вкупно времетраење од 431 минута.
_06_by_shakko.jpg)
Содржина
[уреди | уреди извор]„Војна и мир“ претставува екранизација на истоимениот роман на Толстој и во него се прикажуваат две паралелни приказни: едната се однесува на големата љубов меѓу Наташа Ростова (ја глуми Савелева) и кнезот Андреј Болконски (го глуми Тихонов), кој подоцна трагично го губи животот во војната против Наполеон, а потоа се мажи за грофот Пјер Безухов (го глуми Бондарчук). Другата приказна е во врска со големата војна помеѓу руската и француската армија. Под водство на императорот Наполеон француската армија влегува во Москва, но подоцна мора да се повлече, трпејќи големи загуби. Војната кулминира со големата битка кај Бородино.[2]
Награди
[уреди | уреди извор]Филмот освоил повеќе награди, некои од позначајните се следниве:
- „Оскар“ (1969 г.) - за најдобар филм од неанглиското говорно подрачје, а бил номиниран уште и во категоријата „најдобро уметничко уредување“[3]
- „Златен глобус“ (1969 г.) - во категоријата „најдобар странски филм“[4]
- Гран-при (1965 г.) на 4-тиот Московски меѓународен филмски фестивал
- Наградата на Националниот одбор за критичари (1968 г.) - за најдобар филм од странски јазик[5]
- Наградата на Кругот на филмските критичари на Њујорк (1968 г.) - за најдобар филм од странски јазик[6]
_movie_script.jpg)
Наводи
[уреди | уреди извор]- ↑ „Sergey Bondarchuk | Actor, Writer, Director“. IMDb (англиски). Посетено на 2025-10-25.
- ↑ „Battle of Borodino“. Wikipedia (англиски). 2025-10-10.
- ↑ „The 41st Academy Awards | 1969“. www.oscars.org (англиски). 2014-10-04. Посетено на 2025-10-25.
- ↑ „HFPA - Awards Search“. www.goldenglobes.org. Архивирано од изворникот на 2010-11-24. Посетено на 2025-10-25.
- ↑ „National Board of Review of Motion Pictures :: Awards“. www.nbrmp.org. Посетено на 2025-10-25.
- ↑ „Awards – New York Film Critics Circle“ (англиски). Посетено на 2025-10-25.