Воен музеј (Солун)

Од Википедија — слободната енциклопедија
Прејди на прегледникот Прејди на пребарувањето
Воен музеј
Macedonian Museums-99-Polemiko Thessalonikhs-446.jpg
Поглед кон објектот.
Основан1902 (изградена)
2000 (музеј)
МестоСолун, Грција
Типмузеј
Мреж. местоwww.warmuseumthessaloniki.com

Воениот музеј (грчки: Πολεμικό Μουσείο Θεσσαλονίκης) — музеј кој се наоѓа во Солун, Грција.

Историја[уреди | уреди извор]

Воениот музеј на Солун бил отворен во октомври 2000 година. Зградата во која се наоѓа музејот била изградена во периодот 1900-1902 година, по проект на архитектот Виталијано Позели.

Мисијата на музејот се состои во поддршка на активностите на Воениот музеј на Атина во Северна Грција и соодветно на настаните во северниот дел на земјата, со цел зачувување на историското и воено наследство на Грците во Северна Грција. Со своите постојани експозиции и различни изложби, музејот го нагласува постоењето на грчкиот народ во текот на целата историја, а во исто време придонесува за документирано обезбедување на историјата на Грција во војните.

Колекцијата вклучува фотографии, униформи на грчката армија, воздухопловните сили и ВМФ, макети на топови и бродови, уметнички дела, мапи, разгледници и слични експонати од армиите на другите балкански земји. Овие експонати ја опфаќаат Грчката револуција, Борбата за Македонија, Балканските војни, Првата светска војна, Грчко-турската војна, Грчко-италијанската војна, одбрана на линијата "Метаксас" во источна Македонија во 1941 година, Битка за Крит, окупацијата на Грција и грчкиот национален отпор, учеството на грчката армија во сојузничките операции во Северна Африка, Италија и Нормандија и ослободувањето на земјата од окупацијата. Покрај изложбените сали, воениот музеј располага со амфитеатар, повеќенаменска сала и богата библиотека од историски и воени публикации. Сите изданија на Министерството за одбрана, Секторот за воена историја и Воениот музеј се продаваат во книжарницата на музејот.

Под отворено небо, пред зградата на музејот, се наоѓаат експонати на оклопни возила и авиони.

Надворешни врски[уреди | уреди извор]

Наводи[уреди | уреди извор]