Беким Сали
| Беким Сали Bekim Sali | |
|---|---|
.jpg) | |
| Министер за европски прашања | |
| На должноста | |
| Стапил/ -а 24 декември 2025 | |
| Претседател | Гордана Сиљановска-Давкова |
| Премиер | Христијан Мицкоски |
| Претходник | Орхан Муртезани |
| Министер за здравство | |
| На должноста 17 јануари 2022 – 28 февруари 2023 | |
| Претседател | Стево Пендаровски |
| Премиер | Димитар Ковачевски |
| Претходник | Венко Филипче |
| Наследник | Фатмир Меџити |
| Лични податоци | |
| Роден(а) | Беким Сали Скопје, .svg){kind=small} СР Македонија, .svg){kind=small} СФР Југославија |
| Националност | Македонец |
| Народност | Албанец |
| Партија | Алтернатива |
| Други припадности | ВРЕДИ |
| Установа | Стоматолошки факултет - Скопје |
Беким Сали (р. 7 март 1978 година во Скопје) — македонски политичар, стоматолог и поранешен министер за здравство меѓу 2022-2023 година и актуелен министер за европски прашања.[1] Тој е од редовите на ВРЕДИ.[2]
Животопис
[уреди | уреди извор]Сали е роден на 7 март 1978 година во Скопје. Средно училиште завршил во 1997 година во СМУГС „Д-р Панче Караѓозов“ во Скопје. Во 2007 година дипломирал на Стоматолошкиот факултет во Скопје, по што продолжува на постидпломски студии за јавно здравје. Зад себе има ангажмани во невладиниот сектор за здравство како и во министерството за здравство.[3][4]
Основач е и претседател на Здружението за здравствена култура и воспитание „ПроВита“ – Скопје. Свето професионално искуство го надградувал како член на Стоматолошката комора на Република Македонија, член на Здружението на албански стоматолози и член на Здружението на Албанските имплантолози во републикава. Учествувал на научни активности од областа на стоматологијата организирани од Стоматолошката комора и Здружението на албанските стоматолози на Република Македонија.
Во 2008 година ја основал и бил директор на стоматолошката клиника „Молар“ во Скопје. Од 2009 до 2010 година е шеф на кабинетот на министерот за здравство и претседател на Управниот одбор на Фондот за здравствено осигурување.
Своето политичко искуство го отпочнува како претседател на огранокот на општина Чаир на движењето „Беса“. Од 2019 до 2020 година бил организациски секретар на партијата „Алтернатива“. Од 2020-2022 година бил генерален секретар на „Алтернатива“ и кандидат на локалните избори во Чаир.[5]
На 24 декември 2025 година, Сали беше избран за нов министер за европски прашања, преземајќи ја функцијата од Орхан Муртезани. Тој доаѓа од редовите на Коалицијата ВРЕДИ. Тој е исто така прв заменик претседател на владата, заменувајќи го Изет Меџити, кој беше избран за градоначалник на Чаир на локалните избори во 2025 година.[6][7][8]
Личен живот
[уреди | уреди извор]Сали живее во Скопје, е женет и татко на три девојчиња, на кои многу им се посветува. Тој е етнички Албанец. Тој течно зборува македонски, албански, англиски и турски јазик.
Наводи
[уреди | уреди извор]- ↑ „Кој е Беким Сали, новиот министер за европски прашања“. time.mk. Посетено на 2025-12-28.
- ↑ „Фетаи: Беким Сали е предлог на ВРЕДИ за министер за животна средина“. Радио Слободна Европа. 2025-11-11. Посетено на 2025-12-28.
- ↑ Редакција (2025-12-25). „Кој е Беким Сали, новиот министер за европски прашања“. еМагазин. Посетено на 2025-12-28.
- ↑ „Собрание на Република Северна Македонија - Детали на пратеник“. www.sobranie.mk (англиски). Посетено на 2025-12-28.
- ↑ Mirjana (2021-10-08). „Интервју со Беким Сали-кандидат за градоначалник на Чаир од Алијанса на Албанците & Алтернатива поддржан од ВМРО-ДПМНЕ“. НОВА ТВ (англиски). Посетено на 2025-12-28.
- ↑ Ivanoski, Toni (2025-12-25). „Кои се Мухамет Хоџа и Беким Сали, новите министри во Владата?“. biznisvesti.mk (англиски). Посетено на 2025-12-28.
- ↑ „Изгласани двајца нови министри - Беким Сали и Муамет Хоџа, Муртезани советник на премиерот“. 24.mk (англиски). Посетено на 2025-12-28.
- ↑ „Беким Сали ќе го наследи Изет Меџити како прв вицепремиер“. Радио Слободна Европа. 2025-11-04. Посетено на 2025-12-28.