Алберт Кејп

Од Википедија, слободната енциклопедија
Прејди на: содржини, барај
Црниот паж

Алберт Јакобс Кејп (хол. Aelbert Cuyp) (Дордрехт, 20 октомври, 1620 - Дордрехт 15 ноември, 1691) бил еден од водечките холандски пејзажни сликари во XVII век. Тој бил најпознатиот од неговата сликарска фамилија и учел кај неговиот татко Јакоб Кејп (1594–1651/52). Тој е особено познат за неговите насликани погледи кон холандската пасторала рано наутро или доцна попладне. Сончевите зраци се простираат преку неговите слики, потенцирајќи мали детали со златеста светлина. Кај големите, атмосферски панорами на руралата, потенцираните тревки на ледините, гривата на мирниот коњ, рогот на кравата која лежи крај потокот или врвот на шапката на селанецот, сите се опфатени во жолта-окер светлина. Квалитетот на боите во неговите слики е непогрешливо мајсторски. Богато лакираниот медиум ги прекршува зраците како скапоцен камен кој се разложува на многу глазирани слоеви.

Дордрешкото пристаниште (Национална уметничка галерија, Вашингтон

Кејповите цртежи ни откриваат дека тој бил извонреден цртач. Со расветлени туширања од златнокафено мастило тој доловува далечен поглед на градот Дордрехт или Утрехт. Кејповите цртежи изгледаат или како што биле замислени сликите кои ги имал на ум, или пак како завршено дело; најверојатно ваквите дела биле враќани во неговото ателје за консултација при изработка на други дела. Честопати наоѓаме еден ис дел од цртеж во разни слики. Кејповите пејзажи се базирале на реалноста и на неговата претстава за тоа како еден маѓепсен пејзаж треба да изгледа.

Кејп ги потпишувал неговите дела, но ретко ги датирал и затоа не постои добра хронологија на неговото творештво. Нему му се препишуваат феноменален број на слики. Веројатно некои од нив се од други мајстори на златниот пејзаж, како Абрахам Калрает (1642–1722), чии иницијали A.C. може да се помешаат со Кејповите.



Надворешни врски[уреди]

Видете исто така[уреди]