Џон Денвер

Од Википедија — слободната енциклопедија
Џон Денвер
Џон Денвер во 1974
Роден(а)Хенри Џон Дојчендорф Помладиот
31 декември 1943(1943-12-31)
Розвел (Ново Мексико), САД
Починал(а)12 октомври 1997(1997-10-12) (возр. 53)
Монтереј Беј Калифорнија, САД
Причина за смртАвионска несреќа
ПочивалиштеПепелта била расфрлана на Карпести Планини во Колорадо
ОбразованиеТексашки технички универзитет (не дипломирал)
Занимање
  • Пејач
  • композитор
  • гитарист
  • глумец
  • музички продуцент
  • активист
  • хуманитарец
Активен период1962–1997
Сопружник
  • Ени Мартел (в. 1967; раз. 1982)
  • Касандра Дилејни (в. 1988; раз. 1993)
Деца3 (едно свое и 2 посвоени)

Хенри Џон Дојчендорф Помладиот (англ. Henry John Deutschendorf Jr.; 31 декември 1943 – 12 октомври 1997)[1] естрадно познат како Џон Денвер ― американски пејач и текстописец. Тој бил еден од најпопуларните акустични музичари во 1970-тите и еден од музичарите со најголема продажба за таа деценија.[2] Според AllMusic, Денвер бил „меѓу најомилените забавувачи од неговото доба“.[3]

Денвер снимил и објавил околу 300 песни, а околу 200 од нив ги напишал самиот. Имал 33 албуми и синглови сертифицирани од RIAA со златен или платинест тираж во САД,[4] а се проценува дека продал преку 33 милиони единици.[5] Тој снимал и настапувал првенствено со акустична гитара, а стиховите од неговите песни се однесувале на: неговата радост во природата, презирот кон градскиот живот, ентузијазмот за музика и љубовни врски. Песните од Денвер се пласирале на различни топ-листи, како топ-листите: за кантри-музика, Billboard Hot 100 и радиски хитови, а негови најпрепознатливи песни биле: „Take Me Home, Country Roads“, „Poems, Prayers & Promises“, „Annie's Song", „Rocky Mountain High", „Calypso", „Thank God I'm a Country Boy" и „Sunshine on My Shoulders".

Денвер глумел во неколку филмови и телевизиски специјали во текот на 1970-тите и 1980-тите, меѓу кои и во хитот од 1977 година , О, Боже! (Oh, God!), каде глумел заедно со Џорџ Барнс. Тој продолжил да снима музика во 1990-тите, а исто така се насочил на проблемите за заштитата на животната средина, дал силна поддршка за истражување на вселената и сведочел пред Конгресот во знак на протест против цензурата во музиката.[6] Џон Денвер поголемиот дел од неговиот живот го поминал во Аспен и бил познат по неговата љубов кон Колорадо. Во 1974 година, Денвер бил прогласен за поет-лауреат на таа сојузна држава. Во 2007 година, Законодавниот дом на државата Колорадо ја усвоил неговата песна „Rocky Mountain High“ за една двете химни на државата, а Западна Вирџинија го сторила истото со песната „Take Me Home, Country Roads“ во 2014 година.

Џон Денвер бил страствен пилот и загинал во несреќа во 1997 година додека управувал со неговиот новонабавен лесен авион, на 53-годишна возраст.

Живот и кариера[уреди | уреди извор]

Хенри Џон Дојчендорф Помладиот бил роден на 31 декември 1943 година, во Розвел, Ново Мексико.[7] На 11-годишна возраст, тој добил гитара од баба му и научил да свири на неа.[8] Тој го усвоил презимето „Денвер“ во чест на главниот град на неговата сакана држава, Колорадо.

Првата гитара на Џон Денвер. [9]

Денвер студирал архитектура на Тексашкиот технички универзитет во Лабок и додека бил таму пеел во фолк-групата „The Alpine Trio“.[10] [11] [12]Денвер го напуштил универзитетот во 1963 година [8] и се преселил во Лос Анџелес, каде што пеел во фолк-клубови. Во 1965 година, Денвер се приклучил на The Chad Mitchell Trio, заменувајќи го основачот Чад Мичел. По неколку кадровски промени, триото подоцна станало познато како „Денвер, Бојс и Џонсон“ (Џон Денвер, Дејвид Боис и Мајкл Џонсон).[8]

Денвер со Дорис Деј

Џон Денвер ја напуштил групата во 1969 година и започнал соло-кариера, а потоа го издал неговиот прв албум со RCA Records, Rhymes & Reasons. Тој самостојно снимал демо-снимки на некои од неговите песни кои ги изведувал на концерти. Овој албум ја вклучувал песната „Babe I Hate to Go“, подоцна наречена „Leaving on a Jet Plane“.

Џон Денвер објавил уште два албума во 1970 година: Take Me to Tomorrow и Whose Garden Was This, на кои имало песни снимени од Џон Денвер, како и преработки на песни од други изведувачи.

Во 1971 година купил куќа во Аспен (Колорадо), каде што живеел до неговата смрт.

Во 1973 година, Денвер почнал да води сопствена телевизиска емисија на БиБиСи, Шоуто на Џон Денвер, неделно музичко и естрадно шоу во режија и продукција на Стенли Дорфман.

Награди и признанија[уреди | уреди извор]

Академија за кантри музика

  • „Албум на годината“ за 1974 година за Back Home Again

Американски музички награди

  • 1975: Омилен поп/рок машки изведувач
  • 1976: Омилен кантри-албум за Back Home Again
  • 1976: Омилен кантри машки музичар

Здружение за кантри-музика

  • 1975: Забавувач на годината
  • 1975: Песна на годината за „Back Home Again“

Еми награди

  • 1975: Еми за извонреден вариетет, музички или комичен специјал за An Evening with John Denver [13]

Греми награди

  • 1997: Најдобар музички албум за деца за All Aboard!
  • 1998: Награда од Гремиевата куќа на славата за „Take Me Home, Country Roads“

Куќа на славата на текстописците

Други признанија[уреди | уреди извор]

  • Поет-лауреат на Колорадо, 1977 година [13]
  • People's Choice Awards, 1977 година [13]
  • „Десет извонредни млади Американци“, 1979 година [13]
  • Награда од фондацијата Freedoms, 1980 година [14]
  • Награда за народен поет на Карл Сандбург, 1982 година [15]
  • Медал за исклучителна јавна служба на НАСА, 1985 година[16]
  • Музичка награда Алберт Швајцер, 1993 година [17]

Дискографија[уреди | уреди извор]

Студиски албуми

  • John Denver Sings (1966)
  • Rhymes & Reasons (1969)
  • Take Me to Tomorrow (1970)
  • Whose Garden Was This (1970)
  • Poems, Prayers & Promises (1971)
  • Aerie (1971)
  • Rocky Mountain High (1972)
  • Farewell Andromeda (1973)
  • Back Home Again (1974)
  • Windsong (1975)
  • Rocky Mountain Christmas (1975)
  • Spirit (1976)
  • I Want to Live (1977)
  • John Denver (1979)
  • Autograph (1980)
  • Some Days Are Diamonds (1981)
  • Seasons of the Heart (1982)
  • It's About Time (1983)
  • Dreamland Express (1985)
  • One World (1986)
  • Higher Ground (1988)
  • Earth Songs (1990)
  • The Flower That Shattered the Stone (1990)
  • Different Directions (1991)
  • All Aboard! (1997)

Наводи[уреди | уреди извор]

  1. ↑ Leigh, Spencer (October 14, 1997). „Obituary: John Denver“. The Independent. Посетено на June 20, 2020.
  2. ↑ Maphis, Susan. „10 Best Selling Artists of the 1970s“. mademan.com. Архивирано од изворникот на May 21, 2012. Посетено на May 16, 2012.
  3. ↑ Ankeny, Jason. „John Denver Biography“. AllMusic. Посетено на June 4, 2014.
  4. ↑ „John Denver“. RIAA.
  5. ↑ „John Denver, A Rocky Mountain High Concert“. The Florida Theatre. November 19, 2013. Архивирано од изворникот на June 19, 2018. Посетено на August 25, 2015.
  6. ↑ Stunda, Hilary (October 7, 2011). „John Denver: An environmental legacy remembered“. www.aspentimes.com (англиски). Посетено на 2023-01-30.
  7. ↑ „Ancestry of John Denver compiled by William Addams Reitwiesner“. Wargs.Com. Посетено на May 9, 2011.
  8. ↑ 8,0 8,1 8,2 „Biography“. johndenver.com. Посетено на August 17, 2010.
  9. ↑ „John Denver's First Guitar displayed at the Musical Instrument Museum in Phoenix Arizona“.
  10. ↑ „John Denver Biography“. Notablebiographies.com. Посетено на August 17, 2010.
  11. ↑ La Ventana, vol. 37. Texas Tech University. 1962. hdl:2346/48702.
  12. ↑ La Ventana, vol. 39. Texas Tech University. 1964. hdl:2346/48704.
  13. ↑ 13,0 13,1 13,2 13,3 „Biography – The World Family of John Denver“. June 28, 2006. Архивирано од изворникот на June 28, 2006. Посетено на July 9, 2019. Грешка во наводот: Неважечка ознака <ref>; називот „JD“ е зададен повеќепати со различна содржина.
  14. ↑ Along with U.S. Senator Jake Garn, U.S. Ambassador Shirley Temple Black, actor James Stewart, and Tom Abraham, a businessman from Canadian, Texas, who worked with immigrants seeking to become U.S. citizens. Cited in "Tom Abraham to be honored by Freedoms Foundation Feb. 22", Canadian Record, February 14, 1980, p. 19
  15. ↑ „Awards“. johndenver.com. December 10, 2010. Посетено на July 8, 2019.
  16. ↑ Kroll, David (December 31, 2010). „John Denver, friend of science, born today in 1943 | Take As Directed“. Take As Directed. PLOS. Архивирано од изворникот на June 17, 2018. Посетено на June 17, 2018.
  17. ↑ „WHEN IT WAS OVER, OVER THERE“. The Washington Post. May 28, 1995. ISSN 0190-8286. Посетено на April 29, 2019.

Надворешни врски[уреди | уреди извор]


Преземено од „https://mk.wikipedia.org/w/index.php?title=Џон_Денвер&oldid=5193182“