Машинска опрема
Од Википедија, слободна енциклопедија
(Пренасочено од Хардвер)
1: монитор
2: матична плоча
3: процесор
4: ATA
5: RAM
6: графичка картичка/звучна картичка
7: електричен трансформатор
8: оптички диск
9: хард диск
10: тастатура
11: глувче
Машинската опрема на компјутерот или хардвер (англиски: hardware) како ќе биде конфигуриран, зависи од намената на персоналниот компјутер и од задачите кои треба да ги извршува. Хардверот всушност го претставува физичкиот дел од компјутерскиот систем т.е., електричните и електронските компоненти напр. печатените кола, електромеханичките компоненти напр. дисковите и механичките компоненти напр. кутијата, лежиштата, уредите за поврзување во мрежа итн.
Уредите (единиците) кои што можат да влезат во конфигурацијата на машинскиот дел можат да се поделат во следните групи:
- Централна единица
- Влезно/Излезни единици
- Надворешни мемории
- Останати елементи - куќиштата во кои се сместени единиците, електичен трансформатор (кој се наоѓа во куќиштето и кој го трансформира високиот напон на електричната мрежа во низок), изворите за напојување, разни кабли, специјални маси и подлоги итн.)
