Филипински крокодил
| Филипински крокодил | |
|---|---|
 |
|
| Заштитен статус | |
| Научна класификација | |
| Царство: | Животни |
| Тип: | Хордати |
| Класа: | Рептили |
| Ред: | Crocodilia |
| Фамилија: | Crocodylidae |
| Род: | Crocodylus |
| Вид: | C. mindorensis |
| Биномен назив | |
| Crocodylus mindorensis Schmidt, 1935 |
|
 |
|
| Распространетост на филипинскиот крокодил | |
Филипинскиот крокодил (Crocodylus mindorensis) е крокодил кој живее само на Филипините.[1] Познат е и под името Миндорски крокодил (по островот Миндоро) или Филипински слатководен крокодил. На Филипините е строго забрането да се убиваат крокодилите, но сепак овој вид е со статус на критично загрозен вид, најмногу поради невообичаените методи на риболов[2], како риболов со употреба на динамит[3].
Содржина |
[уреди] Карактеристики
Филипинскиот крокодил е релативно мал слаководен крокодил кој е ендемичен вид на Филипините. Овие крокодили не растат повеќе од 3 метри. Женките се помали од мажјаците (види полов диморфизам). Бојата на кожата е златно-кафеава, и станува се потемна со стареење на индивидуата.
[уреди] Историја и еволуција
_juvenile_Philippine_crocodile.jpg)
До пред некое време Филипинскиот крокодил се сметал за подвид на новогвинејскиот крокодил (Crocodylus novaeguinae) [4]. Во минатото се среќавале и во Лузон и делови од Висајас и Минданао, но бројноста на популациите била драстично намалена најмногу поради загубата на живеалиштето.
Еден друг вид Crocodylus raninus, кој живее во една мала зона на Борнео, долго време се сметал за близок роднина на филипинскиот крокодил. Според последните генетски анализи овој вид всушност припаѓа во видот Crocodylus porosus.
[уреди] Заштитен статус
Иако во минатот овој крокодил се среќавал насекаде низ Филипините, денес тој е критично загрозен. Многу малку се знае за неговата точна распространетост и за релациите со морскиот крокодил со кој делат исто живеалиште. Се смета дека најдобро решение за зголемување на бројот на овие животни е преку програмите за одгледување млади крокодили и нивно враќање во дивината. Овие програми се покажале доста успешни за зачувување на други животни. Во 1992 година популацијата во дивината се проценува на 1000 индивидуи, а во 1995 се смета дека нема повеќе од 100тина возрасни единки.
Crocodylus mindorensis се сметало дека е изумрен во регионот на северен Лузон, сè додека во 1999 во Сан Марино, Изабела, не бил уловен жив примерок на овој вид. Уловениот крокодил го добил името Изабела и бил однесен во центар за рехабилитација и истражување на крокодилите од каде повторно бил вратен во дивината во август 2007 година. Овој примерок бил долг 1,6 метри во времето кога бил пуштен во дивината[5],
[уреди] Наводи
- ↑ Only in the Philippines - Endemic Animals in the Philippines txtmania.com.Accessed 22 октомври, 2007.
- ↑ Crocodilian Species - Philippine Crocodile (Crocdylus mindorensis) flmnh.ufl.edu.Accessed 22 октомври, 2007.
- ↑ BPM_05one_Philipines_text.pdf (Application/pdf Object) bp.com. Accessed 22 октомври, 2007.
- ↑ Species Accounts:cmind.htm flmnh.ufl.edu.Accessed 22 октомври, 2007.
- ↑ Burgonio, TJ. „‘Isabela,’ the croc, to be freed in wilds“, „Breaking News: Regions“, Inquirer.net, 2007-08-25. Проверено на 2007-09-02. (на English)
[уреди] Надворешни врски
- (англиски) Philippine Crocodile: WhoZoo
- (англиски) Crocodillian Species-Philippine Crocodile (Crocodylus mindorensis)
- (англиски) "Crocodylus mindorensis - HerpaWorld"
|
||||||||
