Сиво свраче

Од Википедија, слободната енциклопедија
Прејди на: содржини, барај
Сиво свраче
Возрасен мажјак
Заштитен статус
Научна класификација
Царство: Животни
Колено: Хордови
Класа: Птици
Ред: Врапчевидни
Фамилија: Сврачиња
Род: Lanius
Вид: Сиво свраче
Биномен назив
Lanius collurio
Linnaeus, 1758

Сивото свраче (науч. Lanius collurio) е месојадна врапчевидна птица од фамилијата на сврачињата Laniidae. Таа е честа птица во Македонија.

Опис[уреди]

Младо сиво свраче во Оревоец, Прилепско; Македонија
Мажјак сиво свраче во Врбен, Мавровско; Македонија

Сивото свраче е долго 16-18 см. Има изразен полов диморфизам. Мажјаците одозгора се црвеникави, одоздола слевтли со нијанса на розово, имаат сива капа, на опашката црно-бела шара и имаат карактеристична силно изразена црна линија преку окото. Женките и младенчињата одозгора се кафеавкави, а одоздола посветли со многу брановидни шарки.

Оваа птица е преселница на долги растојанија и се храни со големи инсекти, мали птици, жаби, глодари и гуштери. Како и другите сврчаиња, таа лови од видно место за перчење и го закачува пленот на трн или на жица. Оваа навика ѝ го донела прекарот „касапска птица“.


Распространетост и живеалиште[уреди]

Сивото свраче се размножува речиси низ цела Европа и западна Азија, а зимува во тропска Африка. Во Велика Британија, некогаш птицата била вообичаена и честа, но нејзиниот број нагло се намалил во текот на 20 век. Во 1988 било последното гнездење, а следната година немало ниту еден пар. Оттогаш се појавуваат по 1 или 2 пара, кои во 2011 имале 7 пилиња, а следната 2012 ниту едно.[2][3]

Размножување[уреди]

Гнездото го прават на дрвја, во грмушки и ретко на земја. Тоа е силно, обично добро опфатено во крошната на дрвото. Најчесто несат 5-6 јајца, ретко 4 или 7. Ги инкубира само женката, а мажјакот ѝ носи храна. Тој агресивно се однесува кон предаторите за да го заштити гнездото, па дури може да нападне луѓе.

Галерија[уреди]

Наводи[уреди]


Надворешни врски[уреди]