Себастијан Фетел

Од Википедија — слободната енциклопедија
Прејди на: содржини, барај
Себастијан Фетел
Sebastian Vettel 2012 Bahrain GP.jpg
Фетел за време на Големата награда на Бахреин во 2012 година
Земја:  Германија
Кариера во Формула 1
Моментен тим Ред Бул Рејсинг
Возило # 1
Трки 101 (100 стартови)
Освоени првенства 3 (2010, 2011, 2012)
Победи 26
Подиуми 46
Вкупно освоено поени 1054
Пол позиции 36
Најбрз круг 15
Прва трка Голема награда на САД 2007
Прва победа Голема награда на Италија 2008
Последна победа Голема награда на Индија 2012
Последна трка Голема награда на Бразил 2012
Пласман во 2012 1. (281 поен)

Себастијан Фетел (германски: Sebastian Vettel; 3 јули 1987, Хепенхајм) е германски возач, трократен и актуелен светски првак во Формула 1.

Фетел е роден на 3 јули 1987 година во Хепенхајм, Германија. Во 2007 година ја започнал својата кариера во Формула 1 како тест возач на БМВ Заубер. Свое деби имал на трката за Големата награда на САД, кога настапил на местото на Роберт Кубица, кој пак бил повреден.

Во следната сезона, фетел бил ангажиран како постојанен возач за тимот на Скудерија Торо Росо. Својата прва пол позиција ја постигнал во 2008 година како најмлад возач во историјата на Формула 1[1], за Големата награда на Италија во Монца, а по ова ја забележил и првата победа, воедно и прва за својот тим Торо Росо.

Во 2009 година, Фетел својата кариера ја продолжил во тимот на Ред Бул Рејсинг, а сезоната ја завршил на второто место во вкупниот поредок. Веќе следната 2010, тој станал станал најмладиот светски првак со 23 години и 134 дена.[2] Титулата успеал успешно да ја одбрани во следните две натпреварувачки сезони (2011 и 2012), притоа своевремено соборувајќи го рекордот на најмлад двократен и најмлад трократен светски првак.

Наводи[уреди]