Роберт Ковач

Роберт Ковач
Лични податоци
Роден на	6 април 1974 (50 г.)
Роден во	Берлин, Германија
Висина	1,82 м
Играчки податоци
Позиција	одбрана
Сегашен клуб	Хрватска (пом. тренер)
Повлекување	1 јуни 2010 - (37 години)
Младинска кариера
	Рапид Вединг
	Херта Зелендорф
Кариера*
Репрезентација ‡
Раководител на екипите
2013	Хрватска 21 (пом. тренер)
2013-2015	Хрватска (пом. тренер)
2016–2018	Ајнтрахт Франкфурт (асистент)
2018–2019	Баерн Минхен (асистент)
	Сениорските учества и голови се сметаат само за домашни натпревари; податоците се од 6 јануари 2011.; † Учества (Голови).; ‡ Учествата и головите за репрезентација се според податок од 17 ноември 2010

Роберт Ковач (роден на 6 април 1974, во Берлин) — хрватски фудбалски тренер и поранешeн играч, кој играл на позицијата централен одбранбен играч.

Неговиот постар брат Нико исто така бил поранешен репрезентативец на Хрватска.

Играчка кариера[уреди | уреди извор]

Клупска кариера[уреди | уреди извор]

Роберт Ковач ја започнал својата фудбалска кариера во Германија (каде што и е роден) играјќи за клубови од низок ранг како Рапид Вединг и Херта Зелендорф. Во првата германска лига дебитирал во 1995 година играјќи за Нирнберг. По завршувањето на сезоната 1995-1996 бил купен од страна на Бајер Леверкузен каде одиграл пет сезони без да освопи ниту еден трофеј, иако, во тој период клубот дури трипати завршувал на второто место. Гладен за освојување тројеи, Роберт се преселил во Бајерн Минхен во 2001 година. Веќе следната сезона била одлична за клубот, откако Бајерн ги освоил првенството и купот, како и Интерконтинанталниот куп. Ковач одиграл четири сезони во Бајерн освојувајќи два наслова во Бундеслигата и два во Купот на Германија. На 15 јули 2005 потпишал за Јувентус. Во својата првата сезона во Италија постигнал еден гол за Јувентус, стрелајќи прецизно со глава во победата над Лече со 3-1 (во 27-мото коло од Серија А 2005-2006). Тој му помогнал на клубот да го освои скудетото на крајот на сезоната, но оваа титула на Јувентус подоцна му била одземена. Со администрацијата на Јувентус во понизок ранг, Ковач бил еден од малкуте играчи кој решил да остане со клубот во Серија Б, но неговата сезона била обележана со многубројни повреди кои го спречиле да игра на највисоко ниво. Во 2007 година се вратил назад во Германија, потпишувајќи за Борусија Дортмунд но тука не успеал да се избори за стандарден играч. Во јануари 2009 година потпишал договор со Динамо Загреб на година и пол. Оштетата која ја добила Борусија изнесувала 450.000 евра.^[1]

По завршувањето на сезоната 2009-2010, на 2 јуни Ковач го најавил своето повлекувње од фудбалот со следнава изјава: "Готово е, јас доволно играв. Уморен сум, во 37 години не можете да направите некои работи како пред тоа, а јас немам ни мотивација повеќе ".^[2]

Репрезентативна кариера[уреди | уреди извор]

За репрезентацијата на Хрватска дебитирал во 1999 година во натпревар против Италија, а до почетокот на квалификацискиот циклус за Евро 2008 собрал 58 настапи. Учествувал на Светските првенства во 1998, 2002 и 2006 година и на Евро 2004 и Евро 2008. За хрватската репрезентација вкупно одиграл 84 натпревари, со што е втор на списокот на играчи со најмногу настапи зад Дарио Шимиќ, играчот кој има најмногу настапи за хрватската репрезентација, додека трет е неговиот брат Нико, од кого после неговото повлекување ја преземал капитенската лента. Од репрезентацијата се опростил на 14 октомври 2009, во натпревар од квалификациите за Светското првенство против Казахстан.

Тренерска кариера[уреди | уреди извор]

Пред крајот на својата играчка кариера, како активен играч отишол на Фудбалската академија на ХНС во програмата за образование за УЕФА Про тренер.

На почетокот на 2013 година, Роберт како помошен тренер на својот брат Нико ја преземале функцијата во хрватската репрезентација под 21 година.

По заминувањето на Игор Штимац од функцијата селектор на сениорската репрезентација, на 16 октомври 2013, Роберт станал помошен тренер на својот брат Нико во "A" репрезентацијата.^[3]

Титули[уреди | уреди извор]

Бајерн Минхен[уреди | уреди извор]

Бундеслига (2) : 2002–2003, 2004–2005
Куп на Германија (2) : 2002–2003, 2004–2005
Лига куп на Германија (1) : 2004
Интерконтинентален куп (1) : 2001

Јувентус[уреди | уреди извор]

Серија А (1) : 2004-2005 (одземено).
Серија Б (1) : 2006-2007

Динамо Загреб[уреди | уреди извор]

Прва ХНЛ (1) : 2008–2009
Куп на Хрватска (1) : 2008–2009

Надворешни врски[уреди | уреди извор]

	Портал „Биографија“
	Портал „Фудбал“
	Портал „Хрватска“

Наводи[уреди | уреди извор]

↑ transfermarkt.de - Transfers 08/09 Архивирано на 9 јануари 2010 г. (германски)
↑ Kleine Zeitung, уред. (2 јуни 2010). „Kroate Robert Kovac beendete seine Karriere“ (германски). Архивирано од изворникот на 2014-09-16. Посетено на 19 декември 2012. Укажано повеќе од еден |accessdate= и |access-date= (help)
↑ „Niko Kovač novi izbornik A reprezentacije, Robert pomoćnik“. jutarnji.hr. Архивирано од изворникот на 2015-06-10. Посетено на 16. октомври 2013. Проверете ги датумските вредности во: |accessdate= (help)

[1] transfermarkt.de - Transfers 08/09 Архивирано на 9 јануари 2010 г. (германски)

[2] Kleine Zeitung, уред. (2 јуни 2010). „Kroate Robert Kovac beendete seine Karriere“ (германски). Архивирано од изворникот на 2014-09-16. Посетено на 19 декември 2012. Укажано повеќе од еден |accessdate= и |access-date= (help)

[3] „Niko Kovač novi izbornik A reprezentacije, Robert pomoćnik“. jutarnji.hr. Архивирано од изворникот на 2015-06-10. Посетено на 16. октомври 2013. Проверете ги датумските вредности во: |accessdate= (help)

[1]

[2]

[3]