6 април

6 април е 96-иот ден во годината според григоријанскиот календар (97-и во престапна година). Остануваат 269 денови до крајот на годината.

Настани:

885	Во Велиград, Велика Моравија (денешна Чешка), умрел и бил погребан Свети Методиј.
1814	Наполеон абдицирал и подоцна бил протеран на островот Елба, близу до Италија.
1896	Во Атина почнале првите модерни Олимписки игри кои биле организирани од страна на Французинот Пјер де Кубертен, претседател на Меѓународниот олимписки комитет од 1896 до 1925 година. На игрите кои завршиле на 14 април, учествувале 484 натпреварувачи.
1909	Американскиот поларен истражувач Роберт Едвин Пири (1856 - 1920) прв стигнал на Северниот пол. Пири го испитал и најсеверниот дел на Гренланд („Пириева земја“) и напишал неколку дела за своите патувања, како што се „Најблиску до полот“, „Северниот пол“ и „Тајните на поларните патувања“.
1917	САД во Првата светска војна, по вонредното заседание на Конгресот, ѝ објавиле војна на Германија.
1941	Нацистичка Германија без објава ги нападнала Југославија и Грција. Нападот започнал со бомбардирање на Белград, кој е речиси целосно разорен, а 12.000 луѓе го загубиле животот.
1991	Во Прилеп почнал Првиот конгрес на ВМРО-ДПМНЕ.
1994	Започнал геноцидот во Руанда кој однел над 500.000 животи, откако е соборен авионот кој ги превезувал претседателите на Руанда Џувенал Хабјаримана и на Бурунди Циприен Нтаријамира.

Родени:

1483	Рафаело Санти, прочуен италијански ренесансен сликар († 1520)
1826	Гистав Моро, француски симболистички сликар († 1898)
1890	Антони Фокер, холандски авиоконструктор († 1939.).
1927	Гери Мулиган, американски џез музичар († 1996)
1965	Стефан Петерхансел, француски моторциклист и автомобилист.

Починале:

885	Свети Методиј, заедно со брат му Кирил основоположник на сесловенската писменост (р. ~815)
1199	Ричард Лавовско Срце, Крал на Англија (р. 1157)
1520	Рафаело Санти, прочуен италијански ренесансен сликар (р. 1483)
1528	Албрехт Дирер, германски сликар и гравер (р. 1471)
1732	Франц Лудвиг Фалечко-Нојбуршки, германски епископ (р. 1664)
1887	Иван Крамској, руски сликар.
1971	Игор Стравински, руски композитор (р. 1882)
1992	Исак Асимов, американски писател на научна фантастика од руско потекло (р. 1920)
2000	Хабиб Бургиба, основачот на современ Тунис (р. 1903)
2005	Рение III, Принцот од Монако (р. 1923)