Пол Њуман

Од Википедија — слободната енциклопедија
Пол во 2007

Пол Њуман (Paul Leonard Newman, 26 јануари 192526 септември 2008) не само што претставува еден од поуспешните глумци од постарата генерација кој има освоено многу награди за неговите одлични улоги туку со неговата добротворна работа помогнал на многу луѓе на коишто помошта во тој момент им била неопходна, докажувајќи дека во него се крие голем човек со широко срце спремен да помогне секаде каде што е потребно[1].

Животот на Пол Њуман[уреди | уреди извор]

мини

‘Пол Леонард Њуман е роден на 26 јануари 1925. Тој е успешен глумец кој во својата кариера ги има освоено речиси сите можни филмски награди како што се: Златниот глобус, Еми наградата,Канската награда, награди од Американската акдемија за глума итн. Роден е во Шакер Хајтс. Неговиот татко Артур С. Њуман, кој потекнувал од германско-еврејско семејство имал продавница за спортски работи и бизнисот добро му одел. Неговата мајка Тереза е родена во словенско-католичко семејство во Птичие,која ја примила христијанската религија кога Пол имал 5 години. Таа помагала во продавницата на сопругот, додека ги чувала Пол и неговиот брат Артур, кој подоцна станал продуцент и менаџер за продукција. Младиот Пол бил паметен и добар во спорот. Исто така уште од мали години покажувал интерес за театарот, нешто за што бил целосно охрабруван и поддржуван од мајка му. Своето глумечко деби го направил на седумгодишна возраст глумејќи дворски забавувач во училишната претстава “Робин Худ“. Матурирал во средното училиште во родното место Шакер Хајтс во 1943. Потоа се запишал на универзитетот Охајо во Охајо каде се приклучил кон братството Фи Капа Тау. Во Втората светска војна служел во воената морнарица на Тихиот Океан. Потоа сакал да премине од воздухопловството во некоја друга единица каде што ќе може да пука со пиштол за што имал голема желба бидејќи не успеал да се квалификува за пилот поради проблеми со очите. По војната ја комплетирал својата диплома на Кенион Колеџот, а подоцна студирал и глума на Јеал Универзитетот под водство на професорот Ли Страсберг во глумечко студио во Њујорк. Многупати додека студирал глума размислувал да го напушти Њујорк и да замине во Холивуд, каде што бил цел глумечки свет и ќе може полесно да добива улоги, но сепак решил да остане и да ги доврши студиите.’

Филмска кариера[уреди | уреди извор]

‘Пол го направил своето деби во Бродвеј со претставата “Излет“ во оригинална продукција на Вилијам Инг каде што се појавил заедно со Ким Стенли. Подоцна се појавил во “Очајни часови“ и “Убава птица на младоста“ заедно со Џералдино Пејџ а драмите биле во оригинална продукција на Бродвеј. Подоцна играл и во филмската верзија на “Убава птица на младоста“ во која исто така играл и Пејџ. Неговиот прв филм, “Сребрената вазна“ снимен во 1954 а самиот Њуман го опишал како “најлошиот филм направен во декадата од 1950 до 1960 година“ . Но за само две години тој направил огромен скок во кариерата докажувајќи се со одлична глума во филмот “Некој таму горе ме сака“ снимен во 1956, глумејќи го боксерот Роки Грациано, потоа во “Мачка на вжештениот покрив“ заедно со Елизабет Тејлор во 1958, и во “Младите филаделфијци“ заедно со Барбара Раш во 1959. Пол се појавил и на аудиција заедно со Џејмс Дин за улоги во филмот “Источно од рајот“ во 1955 и тоа Пол за улогата на Арон Траск, а Дин иако е помлад од Њуман, за улогата на постариот брат на Арон, Кал Траск. Дин ја добил улогата а улогата на Арон наместо Њуман ја добил Дик Давалос. ‘

Поуспешни филмови[уреди | уреди извор]

‘Со неговите продорни сини очи и извајано и згодно тело, тој бил глумец створен за некои романтични улоги. Но наспроти тоа тој се борел за посериозни улоги и не целел кон улогите кои Холивуд ги нудел на секој млад и згоден глумец. Њуман направил успешна промена од филмовите во педесеттите години во филмовите подоцна, од шеесеттите и седумдесеттите. Па затоа претставувал пример за помладата генерација и имал големо влијание врз нив. Тој има глумено во некои филмови заедно со неговата жена, Џоан Вудвард: “Долго, топло лето“ во 1958, “Од терасата“ во 1960, “Нов вид љубов“ во 1963, “ Победа“ во 1969, “Господин и госпоѓа Бриџ“ во 1990 и други. Њуман има режирано и три филма во кои тој не се појавува туку се појавува неговата жена Вудвард: “Рејчел, Рејчел“ снимен во 1968, “Мрачната кутија“ снимен во 1980[2].

Награди и почести[уреди | уреди извор]

‘Во својата долгогодишна кариера Пол Њуман има освоено многу награди и почести за своите филмови, а исто така голем број од добиените награди се по заслуга за неговата добротворна работа.’

  • Златен Глобус
    • “Рејчел, Рејчел“ За најдобра главна улога
    • “Пресуда“ За најдобра главна улога
    • Бојата на парите“ За најдобра главна улога
  • Еми наградите
    • “Нашиот град“ За најдобра главна улога
    • “Царски водопади“ За најдобра главна улога
  • Академските награди
    • “Хастлер“ За најдобар глумец
    • “Худ“ За најдобар глумец
    • “Мачка на вжештениот кров“ За најдобар глумец
    • “Пресуда“ За најдобар глумец
    • “Бојата на парите“ За најдобар глумец
    • “Пат кон пропаста“ За најдобра споредна улога
  • БАФТА наградите
    • “Хастлер“ За најдобар глумец
    • “Мачка на вжештениот кров“ За најдобар глумец
    • “Худ“ За најдобар глумец
    • “Пат кон пропаста“ Најдобра споредна улога

Најново од Пол Њуман[уреди | уреди извор]

‘Тој го позајмил својот глас во видеоиграта “Одредот-Икс“ за ликот на Колонел Клифорд. Се појавил и на Бродвеј во обновената претстава на Тортон Вилдер “Нашиот град“, а за улогата ја добил првата номинација за наградата “Тони“. Едно од неговите последни појавувања на малиот екран е во филмот “Пат кон проклетството“ заедно со Том Хенкс. А најново од него е тоа што го позајмил својот глас за игра со тркање на автомобили бидејќи тој е многу заинтересиран за трките со автомобили. Во филмот “Деал“ , филм за животот на легендарниот возач Деал Ернхарт, снимен во 2007 Пол Њуман е раскажувачот на дејствието во филмот.’

Повлекување од глумата[уреди | уреди извор]

‘По долгата и успешна кариера Пол одлучува да се одмори и да замине во пензија односно да се повлече од големиот екран, па во неговите осумдесетти, тој објавува дека на 25 Мај 2007 година ќе се повлече од сцената, изјавувајќи дека чувствува дека ако продолжи со глумата тоа нема да биде на нивото што тој го посакува. “Почнуваш да ја губиш меморијата, самодовербата и разумот. Па затоа мислам да ја затворам оваа моја книга“.’

Живот надвор од глумата[уреди | уреди извор]

‘Пол надвор од глумата имал многу исполнет живот. И покрај тоа што неговата работа бара целосна посветеност тој сепак наоѓал време за своето семејство и за работите што тој ги сака, а најмногу од своето слободно време го посветувал на неговата добротворна работа. ‘

Приватен живот[уреди | уреди извор]

‘Надвор од Холивуд, Њуман живее во Вестпорт, Конектикат заедно со неговата жена Џоан Вудвард. Тој се женел двапати. Неговиот прв брак бил со Џеки Вит и траел од 1949 до 1958. Имале син, Скот роден во 1950, и две ќерки, Сузан Кендал и Стефани. Скот умрел во 1978 од предозираност, а пред тоа се имал појавено во два филма. По неговата смрт Њуман го основал центарот за зависници од дрога, во спомен на неговиот син. Сузан е режисер на документарни филмови и добротворец. Њуман се оженил со Џоан Вудвард на 29 јануари 1958 година. Тие имаат три ќерки: Еленор Тереза родена во 1959, Мелиса Струјард во 1961 и Клер Оливиа 1965. Њуман е во брак со Вудворд речиси педесет години. Надвор од глумата тој честопати јавно поддржувал некој политички кандидат. Така во 2006 година го поддржувал Нед Ламонт од демократската партија наспроти сенаторот Џо Либерман. Исто така донирал пари и во претседателската кампањата на Крис Дод. ‘

Трки со автомобили[уреди | уреди извор]

‘Бил “вљубен“ во трките со автомобили но не само како публика туку се случувало и тој да земе учество во некоја трка, а неговата страст за овој спорт одела дотаму што тој дури и основал свој натпреварувачки тим. Тој првпат се заинтересирал за мото-спортовите додека тренирал за снимањето на филмот “Победа“ во 1969 година и има изјавено “тоа е првата работа во која пронајдов задоволство“. Неговата прва трка се случила во 1972, во Томсон, Конектикат на која завршил на второ место. Од средината на седумдесеттите до почетокот на деведесеттите, тој возел за натпреварувачкиот тим “Боб Шарп“. Тој толку се приврзал со тој тим што дури се појавувал и во некои реклами за нив. На возраст од седумдесет години тој станал најстариот натпреварувач кој бил дел од победички тим во 1995, а во 2005 година на некоја пресконференција пред новинари изјавил дека веројатно ќе се натпреварува уште некоја година. Заедно со Карл Хас во 1983 основале сопствен тим за натпреварување, но подоцна се здружиле со тимот на Роберт Јејтс, но тоа партнерство пропаднало во 2007 година откако Јејтс објавил дека ќе се повлече од трките. ‘

Добротворна работа[уреди | уреди извор]

‘Заедно со писателот Хачнер, Њуман во 1982 ја основа линијата за храна наречена “Во сопственост на Њуман“. Тие ги донирале сите заработени пари освен оние со кои плаќале даноците. Па така во почетокот на 2006 Пол имал донирано 200 милиони долари. Една од најкорисните работи што Њуман ја постигнал со неговата добротворна работа е градењето на летниот камп во 1986 во Асфорд, Конектикат за децата со специјални потреби и тешки болести. Братството во кое членувал Пол Њуман додека бил на факултет, Фи Капа Тау, му помагало на Пол од 1995 година затоа што покрај тој отворен камп во Соединетите Американски Држави, тој отвори такви кампови и во Израел, Франција и Ирска. Во сите кампови заедно годишно претстојувале по околу 13 000 деца кои не плаќале ништо за нивниот претстој. На 1 јуни 2007 година, колеџот Кенион објавил дека Њуман донирал 10 милиони долари за стипендии од неговиот фонд од 230 милиони долари наменет за добротворни цели. Тој и неговата жена Вудвард и пред тоа донирале пари на некои универзитети. Во октомври 2007 година, тој донирал 20 000 долари за да им помогне на жените заболени од рак на дојка во југозападен Велс преку неговата фондација наречена “Во сопственост на Њуман“.

Пол Њуман почина на 26 септември 2008 во својот дом по подолго боледување.

Филмографија[уреди | уреди извор]

  • “Мачка на вжештениот кров“ (1958)
  • “Долго, топло лето“ (1958)
  • “Егзодус“ (1960)
  • “Хастлер“ (1961)
  • “Худ“ (1963)
  • “Нов вид љубов“ (1963)
  • “Рејчел, Рејчел“ (1968)
  • “Победа“ (1969)
  • “Убод“ (1973)
  • “Удар“ (1977)
  • “Мрачната кутија“ (1980)
  • “Пресуда“ (1982)
  • “Господин и госпоѓа Бриџ“ (1990)

Наводи[уреди | уреди извор]

  1. „Paul Newman“. Архивирано од изворникот на 2021-01-25. Посетено на 2021-02-03.
  2. Paul Newman Biography